الەۋمەتتىك مەديسينالىق ساقتاندىرۋ قورى جارناسىن تولەۋدەن ازاماتتاردىڭ 15 ساناتى بوساتىلادى، ونىڭ ىشىندە 12ء-سى - حالىقتىڭ الەۋمەتتىك تۇرعىدان وسال توبى، سونىمەن قاتار، اسكەري قىزمەتكەرلەر، ارنايى مەملەكەتتىك جانە قۇقىق قورعاۋ ورگاندارىنىڭ جۇمىسكەرلەر،-دەپ حابارلايدى Qamshy.kz قازاقپاراتقا سىلتەمە جاساپ.

حالىقتىڭ الەۋمەتتىك تۇرعىدان وسال توبىنا: بالالار؛ «التىن القا»، «كۇمىس القا» يەگەرلەرى، بۇرىن «باتىر انا» اتاعىن العاندار، سونىمەن قاتار I جانە II دارەجەلى «انالىق داڭق» وردەنىمەن ماراپاتتالعان كوپ بالالى انالار؛ ۇوس ارداگەرلەرى مەن مۇگەدەكتەرى؛ مۇگەدەكتەر؛ جۇمىسسىز رەتىندە تىركەلگەن ازاماتتار؛ ينتەرنات مەكەمەلەرىندە وقىتىلىپ، تاربيەلەنىپ جاتقان تۇلعالار؛  تەحنيكالىق، كاسىپتىك، ورتا بىلىمنەن كەيىنگى جانە جوعارعى ءبىلىم بەرۋ ۇيىمدارىندا كۇندىزگى بولىمدەردە، سونىمەن قاتار رەزيدەنتۋرا فورماسىنداعى جوو كەيىن ءبىلىم الىپ جاتقان تۇلعالار؛ بالا تۋۋعا، بالا اسىراپ الۋعا، 3 جاسقا دەيىنگى بالا كۇتىمىنە بايلانىستى دەمالىستاعى تۇلعالار؛ جۇمىس ىستەمەيتىن ەكىقابات ايەلدەر، ءىس جۇزىندە 3 جاسقا دەيىنگى بالانى تاربيەلەپ وتىرعان جۇمىسسىز ازاماتتار؛ زەينەتكەرلەر؛ ەڭ تومەنگى دەڭگەيدەگى قاۋىپسىزدىك مەكەمەلەرىن ەسەپتەمەگەندە سوت شەشىمىمەن قاج مەكەمەلەرىندە ايىبىن وتەۋشىلەر؛ ۋاقىتشا ۇستاۋ يزولياتورلارى مەن تەرگەۋ يزولياتورلارىنداعى ازاماتتار جاتادى.

ايتا كەتۋ كەرەك، ءمامس اياسىندا كورسەتىلەتىن مەديسينالىق كومەكتىڭ كولەمى ءامسق-عا تولەنەتىن جارنا كولەمىنە تاۋەلدى ەمەس. ەڭ باستىسى، جارنا ۋاقىتىلى ءارى ۇنەمى تولەنىپ تۇرۋى ءتيىس.

2017 جىلدىڭ 1 قاڭتارىنان باستاپ مەملەكەت، جۇمىس بەرۋشىلەر، ءوزىن ءوزى جۇمىسپەن قامتىعان ازاماتتار الەۋمەتتىك مەديسينالىق ساقتاندىرۋ قورىنا جارنا تولەۋدى باستايدى.

ەرەكشە ساناتتاعى ازاماتتار ءۇشىن مەملەكەت تولەيتىن جارنانىڭ مولشەرلەمەسى ورتاشا ايلىق ەڭبەكاقىنىڭ 7% قۇرايدى. سونىمەن قاتار مولشەرلەمەنىڭ كولەمى 2017 جىلى 4%، 2018 جىلدان باستاپ 5%-عا، 2023 جىلدان 6%-عا، 2024 جىلدان 7%-عا ساتىلاي وسەتىن بولادى.

جۇمىس بەرۋشىلەر جارناسى مولشەرلەمەسىنىڭ جالپى كولەمى كىرىستىڭ 5%-ىن قۇرايتىن بولادى. اۋدارىم 2017 جىلى 2%-دى، 2018 جىلى 3%-دى، 2019 جىلى 4%-دى، 2020 جىلى 5%-دى قۇرايتىن بولادى.

ءوزىن-وزى جۇمىسپەن قامتىعان ازاماتتار جارناسىنىڭ مولشەرلەمەسى (جەكە كاسىپكەرلەر، جەكە نوتاريۋستار، جەكە سوت ورىنداۋشىلارى، ادۆوكاتتار، كاسىبي مەدياتورلار، ازاماتتىق-قۇقىقتىق نەگىزدەگى كەلىسىم بويىنشا كىرىس تاباتىن جەكە تۇلعالار) ولاردىڭ كىرىسىنىڭ 7% قۇرايتىن بولادى. ول 2017 جىلى 2%، 2018 جىلى 3%، 2019 جىلى 5%، 2020 جىلدان باستاپ 7% بولادى.

جالدامالى جۇمىسشىلار جارنانى 2019 جىلدان باستاپ 1%، 2020 جىلدان 2%-دىق مولشەردە تولەيتىن بولادى.

قازاقستاندا قولدانىستاعى تاجىريبەگە ساي ءامسق-عا تۇسەتىن جارنالاردى باقىلاۋ ءىسىن ق ر قارجى مينيسترلىگى مەملەكەتتىك كىرىس كوميتەتىنە جۇكتەۋ ۇسىنىلادى.
ساراپشىلاردىڭ بولجامى بويىنشا ءمامس-تى ەنگىزگەننەن سوڭ ەلىمىزدەگى مەديسينالىق كومەك كورسەتۋدىڭ دەڭگەيى ايتارلىقتاي وسەتىنى، سونداي-اق، دارىگەرلەردىڭ جالاقىسىن ارتتىرۋ مۇمكىندىگى پايدا بولادى. اۋرۋحانالار جوعارعى ساناتتى جابدىقتار مەن قىمبات دارى-دارمەكتەر الا الاتىن بولادى. ءمامس ادامعا تەكسەرۋدەن وتۋىنە، قاجەت بولعان جاعدايدا ءوز قارجىسىن جۇمساماي ەم الۋىنا مۇمكىندىك بەرەدى.