مەملەكەت بىلاي قاراعاندا قاراجات ءبولىپ، حالىقتىڭ جاعدايىن ويلاپ جاتقان سەكىلدى. ال، تەرەڭىرەك ۇڭىلسەڭىز، سول اقشانى بولگەن قولىندا تەتىگى ازاماتتاردىڭ ويلاعانى مۇلدەم باسقا بولۋى مۇمكىن...
بيىلعى شەگىرتكەمەن كۇرەسۋگە بولىنەتىن قاراجات ءتيىستى ورىندارعا وتكەن جىلعى جيىن-تەرىننەن كەيىن ىلە-شالا اۋدارىلۋى كەرەك ەكەنىن ۇعىنۋ ءۇشىن اسا ءبىر تەرەڭ وي يەسى بولۋدىڭ قاجەتى شامالى...
ءوزىن-وزى سىيلايتىن مەملەكەتتەردە كۇز-قىس ايلارى سور شايۋ مەن توپىراقتىڭ قۇنارىن ارتتىرۋ، توپىراق قاباتتارىنداعى ءتۇرلى زيانكەستەردىڭ ليچينكالارىن جويۋ سەكىلدى ءتۇرلى اگروتەحنيكالىق شارالارعا ارنالادى. وزگە جاقتان كەلۋى مۇمكىن زيانكەستەردەن قورعانۋ جۇمىستارى دا قىس ايلارىندا جۇرگىزىلۋى ءتيىس.
ناۋرىز ايىندا جەر ەگىس سالۋعا تولىق دايىن تۇرۋى كەرەك. ال، شەگىرتكە جەپ كەتكەن سوڭ جۇمسالعان اقشانىڭ قاي قۇردىمعا قۇيىلاتىنىن ءبىز تەك شامالاي الامىز... ماڭداي سورى بەس ەلى – سالىق تولەۋشى. ال، قارىزعا بەلشەدەن باتقان ديقان تۋرالى بىردەڭە ايتۋدىڭ ءوزى ارتىق...
ءومىر شىنىبەك ۇلىنىڭ فەيسبۋكتەگى پاراقشاسىنان الىندى
