پرەزيدەنت جارلىعىمەن اسقار مىرزاحمەتوۆ پرەمەر-مينيستردىڭ ورىنباسارى – اۋىلشارۋاشىلىعى ءمينيسترى بولىپ تاعايىندالدى، - دەپ حابارلايدى Qamshy.kz.

«اسقار يسابەك ۇلى مىرزاحمەتوۆ قازاقستان رەسپۋبليكاسى پرەمەر-مينيسترىنىڭ ورىنباسارى – قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالسىن، ول بۇرىنعى اتقارعان قىزمەتىنەن بوساتىلسىن» دەلىنگەن پرەزيدەنت جارلىعىندا.

ەندى ول وسى ۋاقىتقا دەيىن پرەمەر-مينيستردىڭ ءبىرىنشى ورىنباسارى باقىتجان ساعىنتايەۆ اتقارىپ كەلگەن ءبىراز وكىلەتتىكتەرمەن بولىسەتىن بولادى.

«ەندى بىزگە ىشكى مىندەتتەردى ءبولىسۋدى ويلاستىرۋ كەرەك. باقىتجان ءابدىر ۇلى (ساعىنتايەۆ – رەد.) قاراماعىندا بولعان اۋىلشارۋاشىلىعى سالاسىن قايتا بولەمىز. سونىمەن بىرگە جەر رەفورماسى جونىندەگى كوميسسيانى دا مىرزاحمەتوۆكە بەرەمىز»، - دەدى ۇكىمەت وتىرىسىندا پرەمەر-مينيستر كارىم ءماسىموۆ.

قوس لاۋازىمدى قاتار ۇستاعان ا. مىرزاحمەتوۆ بۇعان دەيىن اۋىلشارۋاشىلىعى ءمينيسترى، «نۇر وتان» پارتياسى ءتوراعاسىنىڭ ءبىرىنشى ورىنباسارى، وقو اكىمى، «وڭتۇستىك» اپك» اق باسقارما ءتوراعاسى سىندى لاۋازىمداردا بولعان.