اتىراۋداعى «سارايشىق» بازارىندا ءورت شىقتى، - دەپ حابارلايدى Qamshy.kz «اق جايىققا» سىلتەمە جاساپ.

كوممۋنالدىق بازارداعى ءورت تۋرالى ارنايى ورگانعا حابار ءتۇن ورتاسىندا تۇسكەن.

«ءورت سوندىرۋشىلەر جەتكەن كەزدە ازىق-تۇلىك بولىمىندە 13 توڭازىتقىش-سورەنىڭ جانىپ جاتقانى انىقتالدى. تۇنگى بىردە ءورت تولىقتاي ءسوندىرىلدى»، - دەيدى «ءورت ءسوندىرۋ جانە اپاتتىق-قۇتقارۋ قىزمەتى» ءمم-نىڭ جەدەل كەزەكشىسى قۋانبەك راپيعۇلوۆ.

بازار اكىمشىلىگىنىڭ ايتۋىنشا، ءورتتىڭ شىعۋىنا ەلەكتر توعىنداعى قىسقاشا تۇيىقتالۋ سەبەپ بولۋى مۇمكىن.

«جاۋىپ شىققاندا بارلىعى دۇرىس بولاتىن، تگڭازىتقىشتار ىستەپ تۇرعان. عيمارات ىشىندە «حالىق» جانە «سەسنا» بانكتىڭ بانكوماتتارى، باسقا دا تەرمينالدار بار. ولارعا وت تيمەدى. بارلىعىن توقتان اجىراتتى.بازاردا گاز جوق. ونى ناۋرىز ايىنىڭ سوڭىندا توقتاتقانبىز. كۇن ىستىق، توڭازىتقىشتار ۇزدىكسىز جۇمىس ىستەيدى. سودان بولار»، - دەيدى بازار اكىمشىسى نۇرجامال تولقىنبايەۆا.