سونىمەن،  ەگەمەن  ەلىمىزدىڭ 25 جىل ىشىندە قول جەتكىزگەن مەملەكەتتىك تىلدەگى  ەلباسىنىڭ  ايتۋىمەن  بولعان  انامىزدىڭ،  قازاقتىڭ تىلىندەگى جالعىز تەلەارناسى  -  «قازاقستان»  كۇيرەپ تىندى!  كۇيرەمەگەندە، نەسى قالدى، 9 ماۋسىمنان باستاپ ءۇش كۇن قاتارىنان ماسكەۋدىڭ «مۋزتۆ پرەميا 2016» جوباسىن ورىس تىلىندەگى  كونسەرتتىك  حابارىن  قايتا-قايتا  كۇندەلىكتى شولۋ جاساپ، ءتىپتى  تۇتاستاي  ۇزاق-سونار ترانسلياسيالادى.  قازاق ارناسىندا - تازا ورىس تىلىندە! ماكسيم گالكين مەن كسەنيا سوبچاك قازاقتىڭ ۇلتتىق ارناسىندا ءوز تىلىندە ارمانسىز «سايران سالدى». ءسويتىپ ۇلتتىق ارنا ساياساتتىڭ،  نارىقتىڭ،  قاراجاتتىڭ  اياعىنا جىعىلدى.

باسىندا تازا، تەك مەملەكەتتىك تىلدە عانا حابار جۇرگىزەدى دەگەن «قازاقستان» ۇلتتىق   ارناسى فۋتبول  ماچتارىن  ەكى تىلدە  جۇرگىزۋدەن  باستاپ-اق ەڭ باستى قاعيدانى - تازا قازاق ءتىلدى دەگەندى بۇزعان ەدى. ونىڭ ۇستىنە ءالى  ەلىمىز رەسمي كوشپەگەن لاتىنشا جازۋعا رەسمي ارنانىڭ كوشىپ، ءتىل شۇبارلاعانى قاي ساسقانى؟ («Aپتa.kz»، «Kaznews»). مىنە، باستى قاعيدانى وسىلايشا  تۇپ-تامىرىمەن  كۇلىن كوككە ۇشىردى! ەتى ءولىپ كەتكەن، بارىنە توزگىش قازاققا ءبارىبىر دەپ،  نۇرجان مۇحامەدجانوۆا حانىم ويىنا كەلگەنىن ىستەي بەرە مە؟ ەلباسىن ەلەمەگەنى مە؟

تۇرسىن تاڭاتاروۆ،

قوستاناي قالاسى