2012 جىلعى لوندون وليمپياداسىنىڭ چەمپيوندارىيليا يلين، زۋلفيا چينشانلو، ماييا مانەزا مەن سۆەتلانا پودوبەدوۆا سپورتتىق سايىستاردان دوپينگ داۋىنا بايلانىستى شەتتەتىلدى. ءتورت سپورتشىنىڭ دا قايتادان تاپسىرعان دوپينگ سىنامالارىنان تىيىم سالىنعان قۇرام انىقتالىپ وتىر، - دەپ حابارلايدى Qamshy.kz.
قازاقستاننىڭ اۋىر اتلەتتەرىنىڭ ريو وليمپياداسىنا قاتىسۋ، قاتىسپاۋ ماسەلەسىن تارتىپتىك كەڭەس شەشەجى. حالىقارالىق وليمپيادا كوميتەتىنىڭ تارتىپتىك كەڭەسى جاقىن كۇندەرى وتەدى. ءتورت اۋىراتلەتتىڭ تاعدىرى سول كەڭەستە شەشىلەدى.
بۇكىلالەمدىك دوپينگكە قارسى اگەنتتىك كودەكسىنە ساي، ءار سپورتشى ءوز اعزاسىنا تۇسكەن زاتتار ءۇشىن جەكە جاۋاپ بەرەدى. سونىمەن بىرگە، سپورتشى وزىنە قاتىستى كەز-كەلگەن شەشىمگە اپەللياسيالىق شاعىم تۇسىرۋگە قۇقىلى.
«قازاقستاننىڭ اۋىر اتلەتيكا فەدەراسياسى ق ر ۇلتتىق وليمپيادا كوميتەتىمەن، مادەنيەت جانە سپورت مينيسترلىگىمەن بىرگە سپورتشىلارعا وسى پروسەستىڭ بارلىق ساتىلارى مەن دەڭگەيلەرىندە وزدەرىنىڭ زاڭدى قۇقىقتارىن قورعاۋى ءۇشىن قاجەتتى قۇقىقتىق كومەك كورسەتەدى»، - دەلىنگەن فەدەراسيا تاراتقان حابارلامادا.
