استانا قالاسىندا ءتورت جاسار بالا بەسىنشى قاباتتان قۇلاپ امان قالدى، - دەپ حابارلايدى Qamshy.kz.
وقيعا كەشە بولعان. كوپ قاباتتى پاتەردىڭ بەسىنشى قاباتىنان تەرەزەنىڭ ماسا توساتىن تورىن جارىپ شىققان بالا جەرگە قۇلاپ كەتكەن. اۋىر جاراقاتتارمەن اۋرۋحاناعا جەتكىزىلگەن ونى دارىگەرلەر ولىمنەن اراشالاپ قالعان.
سونداي-اق، ءىىم تجك باسپا ءسوز قىزمەتى كەشە پاۆلودار وبلىسى ەرتىس اۋدانى قارااعاش اۋىلىندا دا 2014 جىلى تۋعان قىز بالا سۋعا باتىپ كەتكەنىن حابارلاپ وتىر.
الماتى قالاسىندا 9 ايلىق بالانىڭ ۇلكەن الماتى وزەنىنە اعىپ كەتكەنىن بۇعان دەيىن دە جازعان بولاتىنبىز.
تجك ماماندارى ازاماتتاردان بالالارىن قاراۋسىز قالدىرماۋدى سۇرايدى.
