… اكە-شەشەم بار ەدى،

جاسى جەتكەن كارى ەدى.

وسىناۋ ءاندى سالدىرعان،

ون التىنىڭ زارى ەدى …

«سامال تاۋ» انىنەن… …

قايىرىلىپ قاراعانىم ءجون ارتىما،

بولار سوسىن ءسوز سويلەسەم وڭ حالقىما.

زارلاپ ايتقان ءاندى تىڭداپ وتىر مىنە،

جەتىپ بالاڭ 2016-عا. …

زارلانعان زۇلمات زامان قاسىرەتتى،

سونان بەرى ارادا ءبىر عاسىر ءوتتى.

سەن اڭساعان زار ەڭىرەپ بابالارىم،

اللا بىزگە تاۋەلسىزدىكتى ءناسىپ ەتتى.

…ءبىر بولشەگى ەدى عوي باي دالامنىڭ،

«سامال تاۋ» دەپ سالعان اتتەڭ قايران ءانىڭ.

ون بەس كۇن جۇرەر ومبىڭمەن، ءجايىر تاۋىم،

قالدى ازۋىندا اق ايۋمەن ايداعاردىڭ.

ازات ەل بوپ ورنادى قازاققا قۇت،

ازاتتىق ءۇشىن قانشاما ازاپ تارتتىق.

مەنىڭ كارى اكە-شەشەم ازات ەلدە،

ءجۇر ءالى الا الماي ازاماتتىق. …

ولەڭنىڭ ۇلى كوشىنە ەرگەن ۇلمىن،

ءىشتى ورتەپ كەۋدەدەگى شەرمەن مۇڭىم.

سالدات ەمەس دارۋىشتەي قاڭعىپ جۇرگەن،

نەمەنە اقىن بولىپ كورگەن كۇنىم.

… جۇرەگىم-دەرت، كوڭىل-قايعى، جارا-جانىم،

نە بەتىمدى ايتام ساعان بابالارىم.

و، سۇمدىق، شەتەل اسىرىپ ساتتى ءبىر كەز،

قازاعىمنىڭ باۋىر ەت بالالارىن. …

ۇلاردايىن شۋلاتىپ ەلىمىزدى،

وسىناۋ كوكوراي شالعىن كولىمىزدى.

بالاڭ نە ساتام دەيدى دالامدى دا،

بابالاردان قالعان بايتاق جەرىمىزدى.

… ۇرپاعىڭبا؟

. . . بارسام ەگەر ول جاعىنا،

جولىعارمىن توعىز قاتىن تولعاعىنا.

ۇرپاعىڭ ءجۇر ءۇش ءجۇز جىل بۇرىن ايتقان،

كەزدەسىپ موڭكە ءبىيدىڭ بولجامىنا.

… سولاي، سولاي ۇلىڭنىڭ مۇڭ جۇرەگى،

مۇسىركەۋمەن توبەمدە ءتۇن كۇلەدى.

مەندەگى 16ىنىڭ زارى وسىنداي،

ءجۇز جىلدان سوڭ نە بولارىن كىم بىلەدى؟ ! . . .

… 2016-جىلى 16-ماۋسىم

جۇرتتا قالعان ءبىر قۇلىن

(داۋلەتكەرەي كاپۇلىنا)

داۋرەن باقىتقاجى ۇلى

…الدىما كەپ قاسىنىپ تۇر،

جۇرتتا قالعان ءبىر قۇلىن.

داۋلەتكەرەي كاپ

. . . ونەردەن باعىڭ جانىپ باسىڭىزعا،

ورناعان ساۋلەت مەري،

ءبىر وزىڭدە ءبىر ەرمەن ءبىر ەلدىڭ،

اتى بار داۋلەتكەرەي. . .

باتىرسىز قىلىش بەرىپ قولىڭىزعا،

اپارىپ جاۋعا قويار.

باتىرسىز دومبىرا بەرىپ قولىڭىزعا،

اپارىپ داۋعا قويار...

ەلىم دەگەن ەرلەردىڭ تاعدىرلارىن،

قۇداي نەگە قاتال ەتتىڭ.

سەنبە دەيمىن ءارى اقىن، ءارى باتىر،

تۇياعى ماحامبەتتىڭ...

اتتەڭ شىركىن جەتەر ەدىم ەرەۋىل اتقا،

ەر سالار تۋسا ءبىر كۇن.

دەپ جۇرۋشى-ەم ءبيبارىستاي مۇرىنىما،

ءيىسى كەپ جۋسانىڭنىڭ...

ۇلدار ەدىك تۋعان جەر ەشتەڭەدەن،

بىزدەردى كەم قىلماعان.

كەلدىك سولاي قيىپ ءبارىن اتا جۇرتقا،

مەن جۇڭگو، سەن مۇڭعۇلدان…

مەن ءجۇرمىن بىلمەيمىن بۇل داۋرەننىڭ،

تۇسىنەر ازابىن كىم؟

سەن ءجۇرسىڭ ارقادا اقىنى بوپ،

ارقالى قازاعىمنىڭ.

كۇي كەشىپ جۇرگەندەيمىن ۇيىرىمنەن،

اداسقان سەكىلدى مەن.

سىرتقا تەپپەي بىلمەيمىن كىمدەركەلىپ،

سيپارىن كەكىلىمنەن...

تەك قانا ءوزىم بىلەم قاتال تاعدىر،

ازاپتى جىر-عۇمىرىم.

الدىڭا كەلىپ تۇرعان مەن بولام سول،

جۇرتتا قالعان ءبىر ق ۇلىنىڭ!

2016-جىلى، 29-اقپان

داۋرەن باقىتقاجى ۇلى