حالىقارالىق اۋىر اتلەتيكا فەدەراسياسى (IWF) قازاقستاندىق اۋىر اتلەتتەردىڭ – لوندونداعى 2012 جىلعى وليمپيادا ويىندارى جەڭىمپازدارىنىڭ دوپينگ-سىنامالارىنىڭ ەكىنشى ساراپتاماسىنىڭ ناتيجەسىن ءوز سايتىندا جاريالادى، -  دەپ حابارلايدى Qamshy.kz prosportkz.kz-كە سىلتەمە جاساپ.

لوندونداعى 2012 جىلعى وليمپيادا ويىندارى جەڭىمپازدارىنىڭ دوپينگ-سىنامالارىنىڭ ەكىنشى ساراپتاماسىنىڭ ناتيجەسىندە حالىقارالىق اۋىر اتلەتيكا فەدەراسياسى قازاقستاندىق سپورتشىلاردىڭ قانىندا تومەندەگى زاتتار تابىلعانىن حابارلادى:

سۆەتلانا پودوبەدوۆا (كاز) - (S1.1 انابوليالىق اگەنت) Stanozolol SAZANAVETS، Dzina (BLR) - دروستانولون، ستانوزولول (S1.1 انابوليالىق اگەنت)

مايا مانەزا (كاز) - (S1.1 انابوليالىق اگەنت) Stanozolol

يليا يلين (كاز) - Dehydrochloromethyltestosterone، ستانوزولول (S1.1 انابوليالىق اگەنت)

زۋلفيا چينشانلو (كاز) - وكساندرولون، ستانوزولول (S1.1 انابوليالىق اگەنت).

ەرەجەلەرگە سايكەس، دوپينگكە قارسى ەرەجەلەردى بۇزعان سپورتشىلاردى فەدەراسيا ولاردىڭ ءىسى جابىلعانشا سپورتتان شەتتەتەدى.

فەدەراسيا جاقىن ارادا بەيجىڭدەگى وليمپيادا جۇلدەگەرلەرىنىڭ سىنامالارىنا قايتا جۇرگىزىلگەن ساراپتاما ناتيجەسىن حابارلايدى. ەگەر سپورتشىلاردىڭ دوپينگكە قارسى ەرەجەلەردى بۇزباعانى انىقتالسا، ءتيىستى شەشىم قابىلدانادى.

فەدەراسيا بۇل ىستەر جابىلعانشا ولار بويىنشا اقپاراتقا ەش مالىمدەمە جاسامايدى.

ەسكە سالا كەتسەك، يليا يلين مەن ءزۇلفيا چينشانلودان لوندون وليمپياداسى كەزىندە الىنعان دوپينگ-سىنامالاردا تىيىم سالىنعان زاتتاردىڭ بولعانى تۋرالى شەتەلدىك ب ا ق 4 ماۋسىمدا حابارلاعان.

بۇگىن ولاردىڭ سپورتتىق جاتتىعۋلاردان شەتتەتىلەتىنى ءمالىم بولدى.