ءال-فارابي عىلىمي كىتاپحاناسىندا ج ش س «ۇلتتىق اككرەديتاسيالاۋ ورتالىعى» وكىلدەرىنىڭ قاتىسۋىمەن حالىقارالىق اككرەديتاسيالاۋ كۇنى نەگىزىندە «اككرەديتاسيالاۋ – قوعامدىق مۇددەنى قولداۋدىڭ جاھاندىق قۇرالى» تاقىرىبىندا دوڭگەلەك ۇستەل ۇيىمداستىرىلدى، - دەپ حابارلايدى Qamshy.kz.

ج ش س «ۇلتتىق اككرەديتاسيالاۋ ورتالىعىنىڭ» باس ديرەكتورى قۇرمانعالييەۆ سەرىك شولپانكۇل ۇلى دوڭگەلەك ۇستەلدى اشا وتىرىپ قازاقستان رەسپۋبليكاسىنىڭ اككرەديتاسيالاۋ جۇيەسىنىڭ دامۋ كەلەشەگى مەن قازىرگى جاعدايىن بايانداي وتىرىپ، قىزمەتتىڭ بارلىق سالالارىنداعى ستاندارتتاردى قولدانۋ جانە مەترولوگيا ەرەجەلەرىن ساقتالۋى  نارىققا شىعۋىندا ءونىمنىڭ باسەكەگە جارامدىلىعىنىڭ باستى شارتى بولىپ تابىلاتىنىن ايتا كەتتى.

عىلىم جانە يننوۆاسيالىق قىزمەت جونىندەگى پرورەكتور تلەكقابۋل رامازانوۆ دوڭگەلەك ۇستەلدە قاتىسا وتىرىپ، ۋنيۆەرسيتەتتىڭ عىلىمي-زەرتتەۋ زەرتحانالارىننىڭ ق ر، سونداي-اق حالىقارالىق دەڭگەيدە  اككرەديتاسيالاۋ جۇيەسىندە زەرتحانالاردى اككرەديتاسيادان وتكىزۋدى جالعاستىرۋ كەرەكتىگىن جانە ونىڭ ماڭىزدىلىعىن اتاپ وتە، ۋنيۆەرسيتەتتىڭ اككرەديتاسيا سالاسىندا ىنتىماقتاستىعىن نىعايتۋعا دايىن ەكەندىگىن ايتتى.

وسىلايشا دوڭگەلەك ۇستەل بارىسىندا ءال-فارابي اتىنداعى قازۇۋ مەن ج ش س «ۇلتتىق اككرەديتاسيالاۋ ورتالىعى» اراسىندا  عىلىمي-زەرتتەۋ زەرتحانالارىن اككرەديتاسيادان وتكىزۋ، تەحنيكالىق اقپارات الماسۋ، كادرلاردى دايىنداۋ، سونىمەن قاتار  زەرتحانالاردى اككرەديتاسيادان وتكىزۋگە دايىندايتىن قىزمەتكەرلەردىڭ بىلىكتىلىگىن ارتتىرۋ اياسىندا مەموراندۋمعا قول قويىلدى.

دوڭگەلەك ۇستەلدە قىزمەتتەرى مەترولوگيا ەرەجەلەرىن ساقتاۋعا جانە ستاندارتتاردى ساقتاۋعا تۋرا جانە جاناما قاتىسى بار ءتۇرلى ۇيىمداردىڭ باسشىلارى ج ش س «InterCert سەرتيفيكاسيالاۋ ورتالىعى»، رمك «قازمەترين»، اق «NOBEL» جانە ت.ب. قاتىستى. قاتىسۋشىلار ساناتىندا ءال-فارابي اتىنداعى قازۇۋ-ڭ قىزمەتكەرلەرى جانە فيزيكا-تەحنيكالىق فاكۋلتەتىنىڭ  «ستاندارتتاۋ، مەترولوگيا جانە سەرتيفيكتتاۋ» ماماندىعىنىڭ ستۋدەنتتەرى مەن ماگيسترانتتارى بولدى.