اقمولا وبلىسى بەستوبە كەنتىندەگى جۇمىسشىلار مەن كۇزەتشىلەر اراسىنداعى قاقتىعىستا اتى اتالاتىن «مىس وردا» كۇزەت اگەنتتىگى باسشىلىعى زاڭ بۇزدى دەپ 2012 جىلى 2500 جۇمىسشى ەلدىڭ سول كەزدەگى ەڭبەك جانە الەۋمەتتىك قورعاۋ ءمينيسترى سەرىك ابدەنوۆكە حات جازعان، - دەپ حابارلايدى Qamshy.kz.

كۇزەت اگەنتتىگى قىزمەتكەرلەرىنىڭ اتىنان جازىلعان حاتتا فيرما باسشىلىعى نەگىزىنەن ەتنيكالىق كارىستەردەن جيناقتالعانىن، ۇجىمدا باسقا ۇلت وكىلدەرىن كەمسىتۋ ارەكەتتەرىنىڭ بارىن ايتا كەلىپ، باسقا دا زاڭ بۇزۋشىلىقتار ءسوز ەتىلەدى.

«ءبىزدىڭ كاسىپورىن «قازاقمىس» كوپروراسياسى» جشس-عا (بۇدان ءارى - كورپوراسيا) كۇزەت قىزمەتىن ۇسىنادى. بىزدەن باسقا كورپوراسياعا «قورعاۋ-قىزمەتى» ج ش س دا قورعاۋ قىزمەتىن ۇسىنىپ كەلەدى. وسى جەردە اتالعان كۇزەت مەكەمەلەرىندەگى جاعداي مەن قىزمەتكەرلەرگە قاتىستى ۇستانىم بىردەي ەمەستىگىن ايتۋ كەرەك. اتالعان جاعدايدا، «مىس وردا» ج ش س تەك قانا ونىڭ جالعىز جانە ەشقاشان اۋىسپايتىن جەتەكشىسى (بەي رەسمي ارينە) وگاي يۋريي ۆاسيليەۆيچ ءۇشىن قۇرىلعانىن اتاپ ءوتۋ كەرەك. اتالعان باسشى ءوز ىڭعايىنا قۇرىلعان كاسىپورىندى تەك بايۋ ماقساتىندا پايدالانىپ وتىر»، - دەپ جازادى حات اۆتورلارى.

ىسكەر، تابىستى ازاماتتاردىڭ بولعانىنا، بايىعانىنا ەش قارسى ەمەسپىز دەگەن جۇمىسشىلار اتالعان مەكەمەدە «قازاقمىس» كوپروراسياسىنىڭ مۇلكىن توناۋدىڭ بەلگىلى-بىر سىزباسى جاسالعانىن ايتادى.

«ءبىز باي، تابىستى ادامدارعا ەش قارسى ەمەسپىز، ولار ەلىمىزدە كوپ بولسىن، الايدا، ولار يۋ. ۆ. وگاي باسشىلىققا العان جانە تاجىريبەدە تۇراقتى قولداناتىن ادىستەرمەن بايىماۋى كەرەك قوي.

يۋ. ۆ. وگاي كورپوراسيا مۇلكى مەن قۇندى زاتتارىن ۇرلاۋدىڭ ءتۇرلى سحەمالارىن ۇيىمداستىردى. ءوزىنىڭ زاڭسىز ارەكەتتەرىنە توسقاۋىل بولدىرماۋ ءۇشىن يۋ. ۆ. وگاي ءوندىرىس الاڭدارىنداعى ءبولىنىس باسشىلارى رەتىندە وزىنە جاقىن ادامداردى تاعايىندادى.

مىسالى، «مىس وردا» ج ش س بالقاش فيليالىنىڭ ديرەكتورى – كان اندرەي نيكولايەۆيچ.

«مىس وردا» ج ش س قاراعاندى الاڭى بويىنشا كۇزەت باستىعى – حون ەۆگەنيي ينوكەنتيەۆيچ.

بەيرەسمي كۋراتور رەتىندە وگاي سەرگەي ءلۆوۆيچتىڭ اتى اتالادى.

قاۋىپسىزدىك قىزمەتىنىڭ باستىعى – وگاي اندرەي لۆوۆيچ.

اعا ديسپەچەر – وگاي (قىز كەزىندەگى فاميلياسى) جاننا لۆوۆنا.

«مىس وردا» ج ش س كۇزەت فيرماسى ءتورت جىلدان بەرى جۇمىس ىستەپ كەلەدى. وسى ۋاقىت ىشىندە كوپتەگەن بىلىكتى قىزمەتكەرلەر سەبەپسىز جانە ءتيىستى تولەمدەرسىز جۇمىستان شىعارىلدى. تەك سوڭعى ءتورت ايدا 500-دەن استام ادام جۇمىستان شىعارىلدى»، - دەلىنگەن حاتتا.

كۇزەت اگەنتتىگىنىڭ قىزمەتكەرلەرى سونداي-اق، فيرمادا قىزمەتتىك كيىمنىڭ ساپاسىزدىعى، ونىڭ اقشاسى جالاقىدان ۇستالاتىنى، ەشقانداي سىياقى بەرىلمەيتىنى، ەڭبەك زاڭنامالارىنىڭ ساقتالمايتىنى، ءتىپتى، جۇمىسقا تۇرۋ تۋرالى ءوتىنىش بەرىلگەندە ءوز ەركىمەن جۇمىستان بوساتۋ تۋرالى لا ءوتىنىش قوسا الىناتىنىن جازادى.

حات اۆتورلارى كومپانياداعى باسشىلىق قىزمەت اتقاراتىن بىرنەشە ادامنىڭ جەكە تۇلعالىق قاسيەتتەرىنە، تەرىس قىلىقتارىنا توقتالىپ، كەيبىرىنىڭ قىلمىستىق جاۋاپكەرشىلىككە تارتىلعانى، سول كەزدە وتەلمەگەن قىلمىستىق جازالارى بارىن دا ايتقان.

ەڭ قىزىعى سەرىك ابدەنوۆتەن كومەك سۇراعان حات اۆتورلارى اتالعان فيرمانىڭ پرەزيدەنتتىڭ قاراعاندى قالاسىنداعى ەكى بىردەي رەزيدەنسياسىن كۇزەتەتىنىن ايتادى.

ءبىرقاتار زاڭ بۇزۋشىلىقتاردى اتاعان حاتقا مينيسترلىك جاۋاپ قاتقان. ول جاۋاپتا مۇنداي ارىز-شاعىمدار ءانونيمدى تۇردە كەلگەن بولسا قارالمايتىنى ايتىلىپ، حات اۆتورلارىنا قاراعاندى وبلىسى بويىنشا الەۋمەتتىك قورعاۋ جانە باقىلاۋ دەپارتامەنتىنە جازباشا تۇردە ءوتىنىش جازۋعا كەڭەس بەرىلگەن.

جۇمىسشىلاردىڭ جان ايقايى جەتەر قۇلاققا جەتىپ، ۇجىمداعى كۇردەلى جاعداي شەشىم تاپتى ما، تاپپادى ما ول جاعى بەلگىسىز. كەشەگى وقيعا كۇزەت فيرماسىنداعى ءتارتىپتىڭ ءتيىستى دەڭگەيگە كەلتىرىلمەگەنىن كورسەتەدى. اشىق دەرەك كوزدەرىنەن اتالعان كومپانيانىڭ قىزمەتىنە قاتىستى مالىمەت تابۋ قيىن. ءبىر بايقاعانىمىز -  عالامتوردا «مىس ورداعا» جۇمىسقا شاقىرعان قۇلاقتاندىرۋدىڭ كوپتىگى.

ەستەرىڭىزگە سالساق، اقمولا وبلىسى بەستوبە كەنتىندە 16 ماۋسىم كۇنى اتالعان كۇزەت فيرماسىنىڭ قىزمەتكەرلەرى مەن «قازاقالتىن» اق-ى جۇمىسشىلارى اراسىندا قاقتىعىس بولىپ، وق اتىلعانى، ون ادامنىڭ جاراقات العانى تۋرالى جازعان بولاتىنبىز. وسى قاقتىعىس تۇسىرىلگەن ۆيدەو سەنبى كۇنى الەۋمەتتىك جەلىلەردە جاپپاي تارادى. وبلىستىق ءىىد، پروكۋراتۋرا، ەڭبەك ينسپەكسياسى اتالعان وقيعا بويىنشا «بۇزاقىلىق» بابىمەن ءىس قوزعالعانى، ماسەلەنىڭ ءمان-جايى تەكسەرىلىپ جاتقانىن حابارلادى.