الماتىدا تەرروريزممەن كۇرەس ءۇشىن 23،5 ميلليون تەڭگە بولىنگەن، - دەپ حابارلايدى Qamshy.kz «الماتى» تەلەارناسىنا سىلتەمە جاساپ.

قالا اكىمى جانىنداعى قوعامدىق كەڭەس الدىندا الماتى قالالىق ءدىن ىستەرى باسقارماسى ەسەپ بەردى. بىلتىر مەن بيىل اتقارىلعان شارۋالارىن تىزبەكتەگەن ءبولىم باسشىسى ءبىرقاتار جۇمىستاردىڭ اتقارىلعانىن جەتكىزدى. اتالعان باسقارماعا قازىنادان 2015 جىلى 51 ملن تەڭگە بولىنگەن. سونىڭ 23 ملن 500 مىڭ تەڭگە ەكسترەميزم مەن تەرروريزمگە قارسى جۇمىس جاساۋعا، سونداي-اق اقپاراتتى جۇرگىزۋگە 9 ملن تەڭگە، سەمينار-ترەنينگكە 8 ملن 445 مىڭ تەڭگە باعىتتالىپتى.

"الماتى قالاسى بويىنشا 178 ءدىني بىرلەستىك تىركەلگەن. ولاردىڭ ىشىندەگى 46-سى قازاقستان مۇسىلماندارى ءدىني باسقارماسىنا قاتىستى، ياعني ولاردىڭ فيليالدارى ءدىني باسقارماسى - مۋفتياتىڭ فيلالى رەتىندە مەشىتتەر. مەشىتتەردىڭ قىزمەتى ءقازىر الماتى قالاسىندا وتە جوعارى دەڭگەيدە جۇرگىزىلىپ جاتىر"،- دەيدى الماتى قالاسى ءدىن ىستەرى باسقارماسىنىڭ ءبولىم باسشىسى اسەت دوسكەيەۆ.

بۇگىنگى وتىرىس بارىسىندا 2016 جىلدارعا ارنالعان ءار ءتۇرلى ۇسىنىستار مەن جوسپارلار ايتىلدى. سونىڭ ءبىرى ءدىني ىستەرگە بايلانىستى فيلم ءتۇسىرۋ. ال، ءدىندى دۇرىستاپ ناسيحاتتاۋ اياسىندا مەكەمەلەردە ءتۇرلى دارىستەر وقىتىلماق ەكەن. سونىمەن قاتار، الماتى قالاسىنداعى ساۋدا ورىندارىندا ساتىلاتىن ءدىني ادەبيەتتەر دە از ەمەس. ەگەر كۇدىك تۋدىراتىن كىتاپتار بولسا، قۇقىق قورعاۋ مەكەمەلەرىمەن بىرلەسە وتىرىپ ارنايى ساراپتاما بولىمىنە جولدايمىز دەدى.