شىعىس قازاقستان وبلىسىنىڭ اكىمى دانيال احمەتوۆ وبلىستىق ىشكى ىستەر دەپارتامەنتىنە ارنايى بارىپ، جەكە قۇراممەن كەزدەسىپ، قازا بولعان ىشكى ىستەر ورگاندارىنىڭ قىزمەتكەرلەرىنە ارنالعان ستەلاعا گۇل شوقتارىن قويۋ راسىمىنە قاتىستى، - دەپ حابارلايدى Qamshy.kz.

 ايماق باسشىسى شقو ءىىد قىزمەتكەرلەرىنە ناتيجەلى جۇمىستارى ءۇشىن، وڭىردەگى ءتارتىپ، قىزمەتتىك مىندەتتەرىن ورىنداۋ بارىسىنداعى كاسىبي شەبەرلىكتەرى مەن ەرلىكتەرى ءۇشىن العىسىن ءبىلدىردى. 

– وتانعا ادال قىزمەت ەتۋ جولىنداعى ەڭبەكتەرىڭىز ءۇشىن شىن كوڭىلىمنەن العىس ايتقىم كەلەدى. سىزدەر باستى قۇندىلىعىمىز – حالقىمىزدىڭ تىنىشتىعىن قورعاپ كەلەسىزدەر. مەملەكەتكە ءتارتىپ، تىنىشتىق پەن قاۋىپسىزدىك قاجەت. ءبىز سىزدەردىڭ ەلگە دەگەن ادالدىقتارىڭىز، پرەزيدەنتىمىزدىڭ تاپسىرمالارىن بۇلجىتپاي ورىندايتىندىقتارىڭىز ءۇشىن قۇرمەتتەيمىز. جاس ۇرپاققا بەرگەن تالىم-تاربيە ءۇشىن ارداگەرلەرگە دە العىسىمدى بىلدىرەمىن. قازاقستان پوليسياسى كۇنىمەن، - دەدى دانيال احمەتوۆ. – بىزدە ۇرپاقتار ساباقتاستىعى بار.  جاقىندا اقتوبەدە بولعان وقيعالاردا ىشكى ىستەر دەپارتامەنتىنىڭ قىزمەتكەرلەرى الدىڭعى شەپتە تۇرىپ، وتان الدىنداعى بورىشتارىن جوعارى ابىرويمەن اتقارعاندىعىن كوردىك.

رەسپۋبليكا تاۋەلسىزدىگىنىڭ 25 جىلىندا شىعىس قازاقستان وبلىسى ىشكى ىستەر دەپارتامەنتىنىڭ 41 قىزمەتكەرى قىزمەتتىك پارىزىن وتەۋ بارىسىندا كوز جۇمىپ، 11ء-ى ەرلىكپەن قازا تاپقان. كوبىسى قازا بولعاننان سوڭ مەملەكەتتىك جانە ۆەدومستۆولىق  ناگرادالارمەن ماراپاتتالعان. قايتىس بولعان پوليسيا قىزمەتكەرلەرىنىڭ وتباسىلارىنا شقو ءىىد تاراپىنان ماتەريالدىق جانە باسقا دا كومەك تۇرلەرى كورسەتىلەدى.

– وتانعا قىزمەت ەتۋ جولىندا، قازا تاپقان جانداردى ءبىز ۇمىتقان جوقپىز، - دەدى دانيال احمەتوۆ گۇل شوقتارىن قويۋ بارىسىندا ەرلىكپەن قازا بولعان پوليسيا قىزمەتكەرلەرىنىڭ جۇبايلارىنا.

– وبلىستىڭ ىشكى ىستەر ورگاندارى ارداگەرلەرىنىڭ اتىنان پوليسەيلەرگە دەگەن ەرەكشە نازار مەن كومەكتەرىڭىز ءۇشىن ۇلكەن العىسىمدى بىلدىرگىم كەلەدى. كەڭەس ۇكىمەتى كەزىندە بىزدە 100 ادامعا ءبىر جەڭىل جانە ءبىر جۇك كولىگى بولاتىن. تاپسىرمالارعا جاياۋ باراتىنبىز. ال، ءقازىر زامان وزگەردى. جۇمىس ىستەۋ ءۇشىن بارلىق جاعداي جاسالعان، - دەدى شقو ىشكى ىستەر ورگاندارىنىڭ جانە ۇلتتىق گۆارديانىڭ ارداگەرلەر كەڭەسىنىڭ ءتوراعاسى نۇرلىبەك ۇدەربايەۆ وبلىس اكىمىمەن كەزدەسۋ بارىسىندا.

باعدارلاما سوڭىندا ايماق باسشىسى وسكەمەن قالاسىنىڭ ءىىب جەدەل باسقارۋ ورتالىعىنىڭ جۇمىسىمەن تانىستى.

ايتا كەتسەك، جىل باسىنان بەرى ىشكى ىستەر ورگاندارىنىڭ قىزمەتكەرلەرى 6 مىڭنان استام قىلمىستىق وقيعانى اشقان، 35 قىلمىستىق توپ زاڭدى جاۋاپكەرشىلىككە تارتىلدى، 258 ەسىرتكى قىلمىسى انىقتالعان. پوليسيانىڭ كۇشىمەن 6،3 مىڭ قىلمىستىق ءىس اياقتالعان.