الماتىلىقتاردىڭ جىلۋ كومپانيالارىنا بەرەشەگى 2 ملرد تەڭگەگە جەتتى. 20 مىڭ تۇتىنۋشى كوممۋنالدىق قىزمەتتىڭ اقىسىن تولەمەي جالتارىپ ءجۇر. قارىزىن تولەۋدەن قاشقانداردان بورىشتى ءوندىرىپ الۋ ءۇشىن، «الماتى جىلۋ مەكەمەسىنىڭ» وكىلدەرى بۇگىن رەيدتىك تەكسەرۋگە شىقتى، - دەپ حابارلايدى Qamshy.kz استانا تەلەارناسىنا سىلتەمە جاساپ.

ايتۋلارىنشا، ءبىر عانا  كوپ قاباتتى تۇرعىن ءۇيدىڭ قارىزى 500 مىڭ تەڭگەنى قۇراعان. قىس بويى تۇتىنعان جىلۋى ءۇشىن تولەماقىنى بەرگىسى كەلمەگەندەر ەندى ىستىق سۋدان اجىراتىلدى. تارتىپكە باعىنباعاندار سىرت ەلدەرگە شىعۋ قۇقىعىنان دا ايرىلماق.

-بەرەشەگى بارلارمەن كۇرەسۋدىڭ ءبىر عانا جولى - الەۋمەتتىك نىسانداردى ىستىق سۋدان اجىراتۋ. بىرنەشە كۇن ىستىق سۋسىز وتىرعان سوڭ، وزدەرى-اق قارىزىن تولەۋگە اعىلادى. 11 كۇننىڭ ىشىندە 539 پاتەردەن 20 ملن تەڭگە ءوندىرىپ الدىق. ەسىكتى اشپاي، بايبالام سالعاننان تۇك شىقپايدى. ودان دا تۇتىنعان قىزمەت ءتۇرىنىڭ اقىسىن تولەسىن، - دەيدى «الماتى جىلۋ جۇيەسى» ج ش س  ديرەكتورىنىڭ ورىنباسارى مارينا حوحلوۆا