ەلىمىزدە 30 مىڭنان اسا بالا "ۆكونتاكتە" جەلىسىندەگى پورنوتوپتارعا جازىلعان، - دەپ حابارلايدى Qamshy.kz Tengrinews.kz-كە سىلتەمە جاساپ.
شىمكەنتتىڭ قاراتاۋ اۋداندىق پروكۋراتۋراسىنىڭ وكىلدەرى "ۆكونتاكتە" الەۋمەتتىك جەلىسىنە جۇرگىزىلگەن باقىلاۋدان پورنوگرافيالىق ماتەريالدارى بار 63 توپتى انىقتاعان.
"بۇل توپتارعا 8 200 000 ادام جازىلعان. ولاردىڭ 31 247ء-سى قازاقستاندىق كامەلەت جاسىنا تولماعاندار جانە 2 054ء-ى شىمكەنتتىك بالالار"، - دەلىنگەن وقو پروكۋراتۋراسىنىڭ سايتىندا.
ماسەلەن، "سەكس" دەپ اتالاتىن قوعامداستىقتا 700 000 ادام بار ەكەن، ولاردىڭ 3 700ء-ى قازاقستاندىق بالالار، شىمكەنتتەن - 229 بالا.
"كامەلەت جاسىنا تولماعان بالالاردىڭ اتا-انالارى ولاردىڭ ينتەرنەتتە قانداي الەۋمەتتىك جەلىلەردە وتىراتىنىن، كىمدەرمەن سويلەسەتىنىن كۇن سايىن باقىلاپ وتىرۋى ءتيىس. اتا-انالاردىڭ باقىلاۋى ماڭىزدى، سەبەبى بالالارىنىڭ مۇنداي ينتەرنەت پاراقشالارىندا وتىرۋى ءقاۋىپ تۋعىزۋى مۇمكىن"، - دەپ كەڭەس بەرىپ وتىر پروكۋراتۋراداعىلار.
