بىرنەشە ەلدىڭ جارىسقا قاتىسۋ قۇقىعىنان ايىرىلعان اۋىر اتلەت كوماندالارىن حالىقارالىق اۋىر اتلەتيكا فەدەراسياسى اتقارۋ كوميتەتىنىڭ وتىرىسىنان كەيىن ريو-دە-جانەيرودا وتەتىن وليمپيادا ويىندارىنا قاتىستىرۋ جونىندە شەشىم قابىلداندى، - دەپ حابارلايدى Qamshy.kz  Sports.kz-كە سىلتەمە جاساپ.

اتقارۋ كوميتەتىنىڭ مۇشەلەرى ءۇش كۇن بويى جابىق ەسىك جاعدايىندا جۇمىس ىستەپ، باق-پەن بايلانىسقا شىققان جوق. رەسەي، بەلارۋس،  قازاقستان سپورتشىلارىنىڭ ريو وليمپياداسىنا قاتىسۋ-قاتىسپاۋى جونىندەگى ماسەلە سوڭىنا دەيىن كوپشىلىكتىڭ تالقىسىنا ءتۇستى. 

اتقارۋ كوميتەتى مۇشەلەرىنىڭ ءبىرى: «وليمپياداعا ون ەمەس، سەگىز ادام بارادى. بۇل قازاقستان، بەلارۋس، ازەربايجانعا دا قاتىستى»  - دەدى.

كونگرەسس جۇمىسى وتە كۇردەلى جاعدايدا ءوتتى. قاتىسۋشىلار سوڭعى ساتتەرگە دەيىن تانىستىرىلىمدار وتكىزىپ، ءار كومانداداعى دوپينگ داۋلارىن تالقىعا سالدى. ءقازىر كونگرەسس اياقتالىپ، قاتىسۋشىلارى اۋەجايعا اتتاندى.