قازاقستاننىڭ ۇلتتىق ەكونوميكا ءمينيسترى قۋاندىق بيشىمبايەۆتىڭ حالىقپەن ەسەپ بەرۋ كەزدەسۋى ءوتتى، وندا ۆەدومستۆو باسشىسى بەس ايدا جۇرگىزىلگەن جۇمىستىڭ قورىتىندىسى جانە 2016 جىلدىڭ سوڭىنا دەيىنگى قويىلعان مىندەتتەر تۋرالى ايتىپ بەردى، - دەپ حابارلايدى Qamshy.kz ۇلتتىق ەكونوميكا مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاندا تۇرعىن ءۇي قۇرىلىسىن دامىتۋعا ەرەكشە نازار اۋدارىلدى. مينيسترلىكتىڭ دەرەكتەرى بويىنشا 2016 جىلدىڭ 5 ايىندا 3،9 ملن. شارشى مەتر استام تۇرعىن ءۇي پايدالانۋعا بەرىلدى، بۇل وتكەن جىلدىڭ ۇقساس كەزەڭىنىڭ كولەمىنەن 20،2% ارتىق. ناتيجەسىندە 33 مىڭنان استام وتباسى تۇرعىن ءۇي جاعدايىن جاقسارتتى.

«نۇرلى جول» مەملەكەتتىك باعدارلاماسى شەڭبەرىندە   قازاقستان يپوتەكالىق كومپانياسىنىڭ جەلىسى بويىنشا 2016 جىلى جالعا بەرىلەتىن تۇرعىن ءۇي قۇرىلىسىنا 22،5 ملرد. تەڭگە ءبولىندى.

«2016 جىلدىڭ قورىتىندىسى بويىنشا  371،9 مىڭ شارشى  مەتر تۇرعىن ءۇيدى پايدالانۋعا بەرۋ جوسپارلانىپ وتىر، بۇل 6 521 وتباسىنىڭ تۇرعىن ءۇي جاعدايىن جاقسارتۋعا مۇمكىندىك بەرەدى» - دەدى بيشىمبايەۆ.

قازىرگى ۋاقىتتا قازاقستاننىڭ ءۇش وبلىسىندا (شىعىس قازاقستان، قىزىلوردا جانە قاراعاندى وبلىستارى)  410 پاتەر پايدالانۋعا بەرىلدى. اقتوبە، باتىس قازاقستان، سولتۇستىك قازاقستان، وڭتۇستىك قازاقستان، پاۆلودار، قوستاناي، قىزىلوردا وبلىستارى مەن استانا جانە الماتى قالالارىندا  345،1 مىڭ شارشى مەتر نەمەسە 6111 پاتەردىڭ قۇرىلىسى ءجۇرىپ جاتىر.

بۇدان باسقا، «نۇرلى جول» مەملەكەتتىك باعدارلاماسى شەڭبەرىندە بولىنگەن قاراجات ەسەبىنەن 2016-2017 جىلدارى: 324،1 مىڭ ش. مەتر جالدامالى تۇرعىن ءۇي (شامامەن 5 400 پاتەر)؛ 908،6 مىڭ ش. مەتر جالدامالى تۇرعىن ءۇي (شامامەن 15 144 پاتەر)؛ 498،1 مىڭ ش. مەتر كوممەرسيالىق تۇرعىن ءۇي (شامامەن 10 659 پاتەر) سالىناتىن بولادى.

مينيستر، ەكونوميكانىڭ ءوسۋى ءۇشىن ىنتالاندىرۋلاردىڭ ءبىرى ءتۇرعىن-ۇي قۇرىلىسىن ۇلعايتۋ، ونىڭ ىشىندە جەكە ءتۇرعىن-ۇي قۇرىلىسى. بۇل رەتتە قۇرىلىسقا بولىنگەن القاپتار تۇرعىن ۇيلەر سالۋ الدىندا ينفراقۇرىلىممەن قامتاماسىز ەتىلۋى ءتيىس ەكەندىگىن اتاپ ءوتتى.

«مەملەكەت باسشىسى ۇكىمەتكە 2016 جىلدىڭ ەكىنشى جارتىجىلدىعىندا ەكونوميكالىق ءوسۋدى ىنتالاندىرۋعا، ونىڭ ىشىندە جەكە تۇرعىن ءۇي قۇرىلىسىنا ينفراقۇرىلىم جۇرگىزۋگە قوسىمشا قاراجات ءبولۋدى تاپسىردى. وسى ماقساتتارعا شامامەن 23،9 ملرد. تەڭگە ءبولۋ جوسپارلانىپ وتىر. ناتيجەسىندە 1 مىڭ كم. جۋىق ينجەنەرلىك جەلىلەر سالىناتىن بولادى»، - دەپ حابارلادى بيشىمبايەۆ.