ەۋروپا-2016 چەمپيوناتىنىڭ توپتىق كەزەڭنىڭ ءۇشىنشى تۋر كەزدەسۋىندە ءوز كومانداسى اۆستريا قاقپاسىنا جەڭىس گولىن سوققان كەزدە قۋانعاننان وڭەشىن جىرتىپ، تانىمال بولعان يسلانديالىق كومەنتاتور گۋدمۋندۋر بەنەديكتسسون جۇمىسىنان شىعىپ قالدى، - دەپ حابارلايدى Qamshy.kz Bnews.kz-كە سىلتەمە جاساپ.

بەنەديكتسسون «كر رەيكياۆيك» فۋتبول كلۋبى باس جاتتىقتىرۋشىسىنىڭ كومەكشىسى قىزمەتىن اتقارىپ كەلدى. ونىڭ كومانداسى بارلىق تۋرنيرلەردەگى سوڭعى التى ماچتىڭ بەسەۋىندە جەڭىلىس تاۋىپ، وسىدان سوڭ كلۋب باسشىلىعى باس جاتتىقتىرۋشى بيارني گۋدونسەندى ورنىنان بوساتتى. ونىمەن بىرگە بەنەديكتسسون دە جۇمىسىنان كەتتى.

يسلانديا مەن اۆستريا اراسىنداعى كەزدەسۋ سارسەنبى، 22 ماۋسىمدا، پاريج ماڭىنداعى سەن-دەنيدەگى «ستاد دە فرانس» ستاديونىندا ءوتىپ، 2:1 ەسەبىمەن يسلانديالىقتار جەڭىسكە جەتكەن بولاتىن.

وڭەشىن جىرتىپ العانىن بەنەديكتسسون ماچتان سوڭ ءوزى ايتقان.

ەستەرىڭىزگە سالا كەتەيىك، يسلانديا قۇراماسىنىڭ سوققان گولى ءۇشىن قۋانعان كوممەنتاتور بار داۋىسىمەن ايقايلاعان بولاتىن.