حالىقارالىق ءبىر توپ عالىم بەيجىڭ قالاسىنىڭ جەر استىنا ءتۇسىپ بارا جاتقانىن انىقتاپ وتىر. جەر استى سۋلارىن شەكتەن تىس سورۋ جانە توپىراق قاباتىنىڭ بۇزىلۋىنان جۇڭگو استاناسى جەر استىنا جىل سايىن 11 سانتيمەترگە ءتۇسىپ بارادى، دەپ حابارلايدى Qamshy.kz Bnews.kz-كە سىلتەمە جاساپ.
زەرتتەۋشىلەر قالانىڭ وتىرۋى حالىقتىڭ ومىرىنە ءقاۋىپ توندىرەتىنىن جانە جوعارىجىلدامدىقتى تەمىرجول جۇيەسىنە ايتارلىقتاي اسەر ەتۋى مۇمكىن ەكەنىن ايتۋدا. جەردىڭ بيىكتىگىندەگى وزگەرىستى جەر بەدەرىنىڭ وزگەرىستەرىن تىركەۋگە ارنالعان InSAR قۇرىلعىسى انىقتاعان.
جەردىڭ وتىرۋى اسىرەسە كوك تىرەگەن عيماراتتارى، اينالما جولدار مەن باسقا قالا ينفراقۇرىلىمدارى كوپ شوعىرلانعان چاويان اۋدانىندا قاتتى بايقالىپ وتىر. جەر قاباتىنىڭ ءارتۇرلى بولىپ شوگۋى بيىك عيماراتتار مەن كولىك تۋننەلدەرى ءۇشىن اسا ءقاۋىپتى.
بەيجىڭ - مىڭداعان جىلدار ىشىندە جەر استى سۋلارى جيناقتالعان جازىقتا ورنالاسقان قالا. ۇڭعىمالاردى كوپتەپ قازىپ، سۋ ايداۋدىڭ سالدارىنان جەردىڭ توپىراق قاباتى كەۋىپ، جيىرىلا باستاعان. ايتا كەتەرلىگى، قالا اۋماعىندا جانە ونىڭ توڭىرەگىندە كوگالداندىرۋ ءجان اۋىل شارۋاشىلىعى ءۇشىن ونداعان مىڭ سۋ ايدايتىن ۇڭعىلمالار بار.
