استانادا تۇنگى كلۋبتان شىققان سوڭ، ءىز-تۇزسىز جوعالىپ كەتكەن 33 جاستاعى بالدىرعان سىبانبايەۆانىڭ دەنەسى تابىلدى، - دەپ حابارلايدى Qamshy.kz استانا قالالىق ىىد-گە سىلتەمە جاساپ.
"26 ماۋسىم كۇنى شامامەن ساعات 12.00 كەزىندە پريگورودنىڭ اۋىلىنىڭ ماڭىنداعى ورمان القابىندا ءىز-تۇزسىز جوعالعان ازاماتشا سىبانبايەۆانىڭ دەنەسى تابىلدى. ونىڭ دەنەسىنەن زورلىق بەلگىلەرى بايقالادى"، - دەلىنگەن ءىىد تاراتقان باسپا ءسوز حابارلاماسىندا.
قىزدىڭ ولىمىنە بايلانىستى سوتالدى تەرگەۋ جۇمىستارى باستالدى.
ايتا كەتەيىك، 19 ماۋسىمدا استانا قالالىق ءىىب كەزەكشى بولىمىنە استانا قالاسىنىڭ تۇرعىنى حابارلاسقان بولاتىن. ول 18 ماۋسىمدا شامامەن ساعات 03.00-دە ونىڭ تۋىسى بالدىرعان سىبانبايەۆانىڭ "رەترو" تۇنگى كلۋبىنان شىعىپ، قايتا ورالماعانىن حابارلاعان ەدى.
ءىز-تۇسسىز جوعالىپ كەتكەن قىزدى ىزدەستىرۋ جۇمىستارىنا ءىىد جەكە قۇرامى جۇمىلدىرىلعان بولاتىن.
