قازاق وتباسىنىڭ فوتوسى مەن ونىڭ تاريحى گولليۆۋدتىق اكتريسا كامەرون دياستىڭ جاڭا كىتابىنان ورىن الاتىن بولدى، دەپ حابارلايدى Qamshy.kz.
كىتاپ 2017 جىلدىڭ كوكتەمىندە شىعادى دەپ جوسپارلانعان.
2015 جىلدىڭ سوڭىندا اكتريسا جاريالاعان كونكۋرسقا تۋىستارىمەن بىرگە قالاي قاتىسقاندىعى تۋرالى سايا وقاس اڭگىمەلەپ بەردى.
«بۇل وتكەن جىلدىڭ كۇزىندە بولعان ەدى. تۋعان كۇن كەشىندە ءبىز وتباسىمىزبەن سۋرەتكە تۇستىك. ءبىر ءسىڭىلىم اكتريسا كامەرون دياستىڭ شىعارماشىلىعىن ۇناتادى. اكتريسا ءوز ءسايتىنداار ەلدىڭ اناسى مەن قىزدارىنىڭ سۋرەتىنە كونكۋرس جاريالاپتى. ءۇزدىڭ فوتولاردى ايەلدەر جانە سۇلۋلىقتى ساقتاۋ تۋرالى كىتابىنا قوساتىنىن ايتقان»، - دەيدى بويجەتكەن.
«ءبىز كونكۋرسقا قاتىسامىز دەپ شەشىپ، سايتقا فوتو مەن وتباسىمىزدىڭ تاريحىن جىبەردىك. مامىر ايىنىڭ باسىندا اقش-تىڭ انالار كۇنى قارساڭىندا اكتريسا دياس Instagram پاراقشاسىنا فوتونى سالدى. ءبىز باسىندا سەنە المادىق... فوتودا انامىز گۇلجانات وقاسوۆا، انامنىڭ اپكەسى عاليا اقىنوۆا مەن ونىڭ قىزى ايشا سايلاۋبيەۆا، نەمەرەسى ەرالى، تاعى ءبىر اپكەمىز لاۋرا اقىنوۆا»، - دەپ ءتۇسىندىردى سايا وقاس.
Instagram جەلىسىندە فوتولارى جاريالانعاننان كەيىن، پوچتاعا ولاردىڭ فوتوسى اكتريسانىڭ كەلەسى كىتابىنا قوسىلاتىنى تۋرالى حابارلاما كەلگەنىن ايتتى بويجەتكەن.
