ق ر اقپارات جانە كوممۋنيكاسيا ءمينيسترى داۋرەن ابايەۆ بايلانىس جانە اقپارات قىزمەتكەرلەرىن كاسىبي مەرەكەمەن قۇتتىقتادى، - دەپ حابارلايدى Qamshy.kz.

مينستر ءوز قۇتتىقتاۋىن فەيسبۋك پاراقشاسىندا جاريالادى. 

"قىمباتتى ارىپتەستەر، ءقادىرلى بايلانىس جانە اقپارات سالاسىنىڭ قىزمەتكەرلەرى! 
مينيسترلىكتىڭ جانە ءوزىمنىڭ اتىمنان بارشاڭىزدى كاسىبي مەرەكەلەرىڭىزبەن شىن جۇرەكتەن قۇتتىقتايمىن. 
سىزدەر - رەسپۋبليكالىق باسىلىمدار مەن تەلەارنالار قىزمەتكەرلەرىنەن باستاپ، قازاقستاننىڭ ءاربىر ەلدى مەكەنىندەگى بايلانىسشىلار مەن پوشتاشىلار ەل يگىلىگىن ارتتىرۋعا ولشەۋسىز ۇلەس قوسىپ كەلەسىزدەر.
بۇگىندە ءبىز جاھاندىق دامۋ كوشىنەن قالماي تورتكۇل دۇنيەدەگى وقيعالاردان دەر كەزىندە حاباردار بولىپ وتىرساق، ول ەڭ ءبىرىنشى سىزدەردىڭ ارقالارىڭىزدا جۇزەگە اسۋدا. دوس-جاراننان، تۋعان-تۋىستان، اعايىننان جىلدام حابار العىزىپ، الىستى جاقىنداتىپ وتىرعان دا - سىزدەر
وسىناۋ مەرەيلى مەرەكەدە سىزدەرگە زور دەنساۋلىق، شىعارماشىلىق تابىس، كاسىبي جەتىستىك، وتباسىلارىڭىز بەن جاقىن-جۋىقتارىڭىزعا جاقسىلىق تىلەيمىن!"، - دەلىنگەن قۇتتىقتاۋدا. 
بۇگىن، 28 ماۋسىمدا قازاقستاندا بۇقارالىق اقپارات قۇرالدارىنىڭ وكىلدەرى كاسىبي مەرەكەسىن اتاپ ءوتىپ جاتىر. بۇل مەرەكە باستاپقىدا جۋرناليستيكا كۇنى دەپ اتالىپ، قازاقستاندا 10 مامىردا اتاپ وتىلەتىن. سەبەبى قازاق تىلىندەگى تۇڭعىش "تۇركىستان ۋالاياتى گازەتى" شىققان ۋاقىت وسى ەدى.
الايدا بۇل مەرەكە 28 ماۋسىمعا اۋىستىرىلدى، سەبەبى ب ا ق تۋرالى قازاقستاندىق زاڭ وسى كۇنى قابىلداندى. مەرەكەنىڭ اتاۋى باسپا، راديو جانە تەليەۆيزيا دەپ اتالىپ، 2012 جىلعا دەيىن ءداستۇرلى تۇردە ماۋسىمنىڭ سوڭعى جەكسەنبىسىندە اتاپ ءوتىلىپ كەلدى. كەيىن قازاقستان رەسپۋبليكاسىنىڭ پرەزيدەنتىنىڭ 2011 جىلدىڭ 20 قازانىنداعى جارلىعى بويىنشا ونىڭ مەرزىمى 28 ماۋسىم بولىپ وزگەرىپ، مەرەكەنىڭ اتاۋى - بايلانىس جانە اقپارات قىزمەتكەرلەرى كۇنى دەگەن اتاۋ الدى.