ىستامبۇلداعى اتاتۇرىك حالىقارالىق اۋەجايىندا قاتارىنان بىرنەشە جارىلىس بولدى. ناقتىلانعان مالىمەت بويىنشا 36 ادام قازا بولىپ، 147 ادام جارالانعان. جارىلىستى «يسلام مەملەكەتى» لاڭكەستىك توبى ۇيىمداستىرعان، - دەپ حابارلايدى Qamshy.kz BNews.kz-كە سىلتەمە جاساپ.

28 ماۋسىم كەشكىسىن تۇركيالىق باق-تا تۇركيانىڭ ءىرى اۋەجايىندا ەكى جارىلىس بولعانى تۋرالى حابار تارادى. جارىلىستان سوڭ كۋاگەرلەر تەرمينال عيماراتىنان قاشىپ بارا جاتقان قارۋلانعان ءتورت ادامدى بايقاپ قالعان. جارىلىس اۋەجايدىڭ كىرەبەرىسىندە، شىعاتىن جولدا جانە كولىك تۇراعىندا بولعان.

«مۇنىڭ بارلىعىن دايش-تىڭ (قازاقستاندا تىيىم سالىنعان لاڭكەستىك ۇيىم - رەد.) ۇيىمداستىرعانى بايقالادى، تەكسەرۋ جالعاسىپ جاتىر»، - دەدى تۇركيانىڭ پرەمەر-مينيسترى بينالي يىلدىرىم.

جارىلىستان سوڭ اۋەجايدىڭ كولىك تۇراعىندا اتىس بولعان دەلىنەدى. تۇركيا بيلىگى وقيعانى تەراكتى دەپ باعالادى.