12 جاسار الماتىلىق ءاليحان بۇلدىبايەۆ رياننانىڭ ورىنداۋىنداعى حيت ءاندى ايتىپ، جۇرتتى تاڭ قالدىردى. ءاليحاننىڭ ستۋديادا ءان ورىنداۋ ءساتى تۇسىرىلگەن ۆيدەو جەلىدە جاريالاندى، - دەپ حابارلايدى Qamshy.kz.

ءتورت جاسىنان بەرى سپورتتىق بيمەن اۋەستەنەتىن ءاليحان بۇعان دەيىن ەشقاشان ۆوكالمەن اينالىسپاعان كورىنەدى.

سونداي-اق، ءاليحان بەس جاسىنان باستاپ مۋزىكالىق مەكتەپتىڭ سكريپكا سىنىبىندا ءتالىم العانىن، 2013 جىلى بارسەلونادا وتكەن سكريپكاشىلار بايقاۋىندا 2-ورىن يەلەنگەنىن دە ايتا كەتۋ كەرەك.

داۋسى مەن ەستۋ قابىلەتى ەرەكشە ءاليحان بولاشاقتا كاليفورنيا ونەر ينستيتۋتىنا وقۋعا ءتۇسىپ، ءانشى، اكتەر بولۋدى ارماندايدى.

ونىڭ رياننانىڭ ءانىن تاڭداۋىندا دا ءمان بار. باربادوس ءانشىسى بالانىڭ ەرەكشە ءسۇيىپ تىڭدايتىن ءانشىسى. سونداي-اق، ول شاكيرا، بەيونسە، سيي، ادەل، دجەي-زي، ەمينەم، Imagine Dragons، Maroon 5، Black Eyed Peas سىندى شەتەلدىك جۇلدىزداردىڭ اندەرىن دە ءسۇيىپ تىڭدايتىن كورىنەدى.