شىمكەنتتە «گارانت» دەگەن ۇيالى تەلەفوندار مەن كومپيۋتەردىڭ قوسالقى بولشەكتەرىن ساتاتىن ۇلكەن ساۋدا ورتالىعى بار. ءوزى تۋرا قالانىڭ قاق ورتاسىندا، ادامداردىڭ ەڭ كوپ جۇرەتىن جەرىندە ورنالاسقان. سول دۇكەننىڭ الدى «ساقالدىلارعا» تولا. ءبارى دە ب/ۋ «سوتكا» ساتۋمەن نەمەسە ولاردى جوندەۋمەن اينالىسادى.
العاشقىدا «بۇلاردى ەشكىم جۇمىسقا الماعاندىقتان ساۋدامەن اينالىسادى عوي» دەپ ءمان بەرمەيتىنبىز. ويتكەنى، «ساقالدىلاردىڭ» كوبى جوو-نى سوڭىنا دەيىن وقىمايدى، ديپلوم العاندارىنىڭ كوبى بازار مەن مەشىتتەردىڭ ماڭىن جاعالاۋدان ارى اسا المايتىنى بەلگىلى. كەيىن بايقاساق، تەك شىمكەنتتە ەمەس، قازاقستاننىڭ بارلىق قالالارىندا دا ب/ۋ «سوتكا» ساتۋمەن «ساقالدىلار» اينالىسادى ەكەن. الماتىدا، استانادا، اقتوبەدە، جەزقازعاندا كورگەنىمىز وسى.
نەگە بۇلاي دەپ باس قاتىرىپ جۇرسەك، جاۋابىن قۇقىق قورعاۋشىلاردىڭ وزدەرى بىلەتىن سەكىلدى. بەلگىلى جۋرناليست ارمان سقابىل ۇلىنىڭ ايتۋىنشا، بۇل ساۋالدىڭ جاۋابىن وعان زەينەتتەگى پوليسەيلەردىڭ ءبىرى ايتىپ بەرگەن ەكەن.
«نەگە ولار نەگىزىنەن وسى كاسىپكە ءۇيىر؟» بۇل ساۋالدى ىشكى ىستەر ورگاندارىندا ۇزاق جىلدار ىستەگەن تانىسىما قويدىم. اتى - ءجونىن بەلگىلى سەبەپتەرگە بايلانىستى اتاي المايمىن.
- بىزگە ۇيالى تەلەفوندارىن ۇرلاتقان، جوعالتقاندار ءجيى ارىز جازادى، - دەيدى ول، - جەكە كودى ارقىلى كوبىنە تاۋىپ بەرىپ جاتامىز. بىردە سونداي ءبىر تەلەفوندى تاپتىق. ءبىر جاس بالا ول «سوتكانى» «كوك بازاردان» ساتىپ العان ەكەن. ساتقان «ساقالدى» . ۇيگە كەلىپ شۇقىلاپ كورسە ۇيالى تەلەفوننىڭ ىشىندە ارنايى فايلعا جيناقتالعان ءتۇرلى ۋاعىزدار بار بولىپ شىققان. «ساقالدىلاردىڭ» بۇل ساۋداعا قىزىعۋىنىڭ ءبىر سەبەبى وسى. بايقاماعانسىپ ەسكى تەلەفونعا ۋاعىز تولى فايلدى قالدىرا سالادى. "سوتكانىڭ» جاڭا يەسى فايلدى اشسا بولدى. ءارى قاراي سانانىڭ ۋاعىزعا ۋلانۋى باستالادى... ال، «ساقالدىنىڭ» بۇل قىلمىسىن موينىنا قويۋ ءتىپتى قيىن. ويتكەنى ول دا بۇل تەلەفوندى بىرەۋدەن ساتىپ الدى عوي.
...تانىسىمنىڭ بۇل اڭگىمەسىنە ءتيىستى ورگاندار نازار اۋدارادى دەپ ويلايمىن. مەنىڭشە بۇل «ساقالدى» مەن «سوتكاعا» بايلانىستى قۇپيانىڭ ءبىر عانا مىسالى. بۇلاردى باسقا دا ماسەلەلەر بايلانىستىرۋى ابدەن مۇمكىن»، - دەيدى جۋرناليست ءوزىنىڭ Facebook پاراقشاسىندا.
جۋرناليست باۋىرجان كاريپوۆ تە «سوتكا» ساتاتىن ساقالدىلاردى تەكسەرگەن ءجون دەگەن پىكىردە. ويتكەنى، شۇقىپ-شۇقىپ تەلەفوندى ىسكە قوسقان ادام وزگە دە نارسەنى ىسكە قوسپايتىنىنا كىم كەپىل دەيدى ول.
مۇنىڭ ءبارىن نەگە ايتىپ وتىرمىز؟ كەشە الماتىدا پوليسيا بولىمىنە شابۋىل جاساپ، 5 ادامدى اتىپ ولتىرگەن كۇدىكتىنىڭ سالافيلەرمەن تىعىز بايلانىستا بولعانىن ق ر ۇقك ءتوراعاسى ۆ.جۇماقانوۆ ايتتى. تەراكت جاسادى دەپ قاماۋعا الىنعان رۋسلان كۇلىكبايەۆ بۇرىن ۇيالى تەلەفون ساتۋمەن دە اينالىسقان ەكەن. دەمەك، مۇنى دابىل قوڭىراۋى دەپ تۇسىنگەن دۇرىس شىعار. اۋرۋىن جاسىرعان ولەدى دەيدى اتام قازاق. ەندى قۇقىق قورعاۋشىلار پروبلەمانى قازىردەن شەشۋى ءتيىس. ايتپەسە، جار استىنداعى جاۋ جاعادان الدى.
