مىڭ ءولىپ مىڭ تىرىلگەن تاۋەلسىز قازاقستاننىڭ قاي تۇكپىرىندە بارساڭدا ورىس ءتىلىنسىز كۇنىڭ قاراڭ ەكەنىنە كوزىم جەتتى!!! كونستيتۋسياداعى «قازاق ءتىلى - مەملەكەتتىك ءتىل» دەگەنى بوس ءسوز ەكەن. قازاق ەلىنە 25 جىل!!! شيرەك عاسىر!!! وسى ارالىقتا قازاقستان- ءورىستىلدى مەملەكەت بولىپ قالىپتاسىپ كەتكەنىن مويىنداۋعا تۋرا كەلىپ تۇر. بۇنى كورىپ قازاق بولىپ قالاي نالىمايسىڭ!!!

تىپتەن باسقا ۇلت وكىلدەرىنىڭ «قازاقتار، ساياساتتارىڭدى باسقا مەملەكەتتىڭ تىلىندە جۇرگىزسەڭدەر، سەندەرگە تاۋەلسىزدىك نەگە كەرەك» دەگەن ەزۋلەرىندەگى مىسقىل كۇلكىلەرىن دە سەزەمىن. وسىندايدا «نە ىستەۋ كەرەك؟!.» دەگەن سۇراقتى وزىمە-وزىمە قويىپ جاۋابىن تابا المايمىن. ويتكەنى ەل باسقارعان تورەلەردىڭ 99 پايىزى قازاقتار، ال ەل حالقىنىڭ 70 پايىزى قازاقتار.

تىپتەن ءتىلدىڭ بەدەلىن كوتەرەتىن سىرتقى ىستەر ءمينيسترىنىڭ جانە باسقا دا لاۋازىمدى تۇلعالاردىڭ شەتەلگە رەسمي ساپارلارى كەزىندە ەل ساياساتىن نەگە ورىس تىلىندە جۇرگىزەتىندەرىنە مۇلدەم تۇسىنبەيمىن، سوندا ەلباسىنىڭ جىلىكتەي شاعىپ بەرگەن «ماڭگى ەل»، «ۇلى دالا ەلى» جوبالارى قايدا قالادى. ال بۇل جوبالار قازاق ۇلتىنسىز، قازاق ءتىلىنسىز جۇزەگە اسپايتىن جوبالار. الدە قازاق ەلى «ماڭگى ەل» بولعانى ما!؟: ەلباسى ايتقان «قازاق پەن قازاق ورىسشا سويلەسسىن، قازاق ءتىلى ۇلى دالا ءتىلى» دەگەن قاناتتى سوزدەرى كىمدەرگە ايتىلعان!؟.

دەگەنمەن شەتەلگە قازاق ەلىنىڭ اتىنان بارادى ەكەنسىڭ ءوز تىلىڭدە سويلە، ەلىمىزدىڭ تاۋەلسىز ساياساتىن جۇرگىز، ال ەگەر باسقا ەلدىڭ تىلىندە ساياسات جۇرگىزۋ، قازاق ەلىنىڭ باسقا ەلدىڭ قولجاۋلىعى بولعانى. ياعني قازاق ەلىنىڭ تاۋەلسىز ساياساتى جوق دەگەن ءسوز.

ءبىراق ءبىر جاقسىسى الەمگە اقىل، ءارتۇرلى ۇسىنىستار ايتامىز، ءبىراق جەر استىعىنىڭ بايلىعىن ۇساتا الماي تالان - تاراج سالامىز، جەردى يگەرە الماي ساتامىز، ءوز تىلىمىزدە سويلەۋدى ار كورەمىز، سوندا ءبىز قانداي مەملەكەت «قۇرۋدامىز»؟؟؟

تاعى دا كوكەيدە جۇرگەن قىجىل ول توردە وتىرعانداردىڭ ءوزىنىڭ ءتىلىن، ءسالت-داستۇرىن مانسۇق قىلعاندارى، ويتكەنى 25 جىلدىڭ ىشىندە ءبىر ۇرپاق ءوسىپ شىقتى سول ۇرپاق قازاق ءتىلىن پايدالانۋ كەرەك ەمەس پە، جوق، كەرىسىنشە قىتايشا، ورىسشا، اعىلشىنشا ۇيرەنىڭدەر دەپ قازاق ءتىلىن تاسادا قالدىردى، ال ونەگەنى ەكونوميكاسىنىڭ كەجەگەسى كەرى كەتكەن ورىستان ۇيرەنىڭدەر دەگەندەرى ەلىم - جەرىم دەپ ەل باسقارىپ وتىرعان ازاماتتاردىڭ قاي تىرلىگى؟! «قازاقتىڭ جاۋى قازاق» بولعانى ما!؟.

جالپى قازاقتار قاناعاتشىل حالىقپىز عوي تەك تىنىشتىق بولسا ەكەن دەيمىز...

سوندا دا قولىندا بيلىگى بار ازاماتتار قازاق ءتىلىن تۇقىرتپاي، قازاق حالقىن مۇقاتپاي، ەلدىڭ ابىرويىن كوتەرىپ، قازاق ەلىنىڭ مارتەبەسىن اسقاقتاتسا ەكەن، ويتكەنى پرەزيدەنتىمىز 1997 جىلعى ستراتەگيالىق جولداۋىندا بارشا ازاماتتاردىڭ قازاق ۇلتىنىڭ اياسىندا توپتاسۋ كەرەك دەگەن ەدى. قازاق ءتىلى – ەلدىگىمىزدىڭ تىرەگى بولسىن.

ەرسىن ەرعالييەۆ