قاشقىن بانكير بۇگىنگى تاڭعا دەيىن بانككە $4،8 ملرد قارىز بولعان

 2014 جىلعى قاڭتاردىڭ 1-نەن 2016 جىلداعى شىلدە ايىنىڭ 1 ارالىعىندا بتا بانكىنىڭ ديرەكتورلار كەڭەسى باسشىسى  كەڭەس راقىشيەۆتىڭ تىكەلەي باسشىلىعىمەن  مۇحتار ءابليازوۆتىڭ 1،4 ملرد اكتيۆى قايتارىلدى، - دەپ حابارلايدى Qamshy.kz  Kapital.kz-كە سىلتەمە جاساي وتىرىپ.       

بتا  توبىنا باسشىلىققا كەڭەس راقىشيەۆ كەلگەلى بەرى اكتيۆتەردىڭ قايتارىلۋى ەسەلەنۋدە. انگليا جانە ۋەلستىڭ جوعارعى سوتى، رەسەي فەدەراسياسى مەن ۋكراينا، قازاقستان رەسپۋبليكاسىنىڭ جوعارعى سوتىنىڭ   شەشىمىمەن قاراجاتتى قولما- قول  قايتارۋ تۇرىندە، بتا بالانسىنا مۇلىكتەردى قابىلداۋ، ۇلەس كونسوليداسياسى، بتا پايداسىنا جارعىلىق كاپيتالدى قايتارۋ جۇزەگە اسىرىلدى.    ءبىراق، اعىلشىن سوتىنىڭ ءابىليازوۆقا  بتا-عا قايتارۋ جونىندە پايىزدىق وسىممەن  مىندەتتەگەن سوماسى 4،8 ملرد دوللاردى»، -قۇرايدى دەپ حابارلانادى.  

 بانك تالاپتارى مەن شەشىمدەرى:

ۇلىبريتانيا 

-  2015 جىل ماۋسىمنىڭ 17. انگليانىڭ جوعارعى سوتى   مۇحتار ءابليازوۆ پەن  ءىلياس حراپۋنوۆقا تىكەلەي نەمەسە جاناما  قاتىستى بارلىق اكتيۆتەردىڭ بارلىعىن بۇعاتتاۋعا شەشىم شىعارعان.   2016 جىلدىڭ 23ء-شى ناۋرىزىندا  انگليا مەن ۋەلستىڭ كوممەرسيالىق سوتى ءىلياس حراپۋنوۆتى   ءوزى جانە مۇحتار ءابليازوۆتىڭ اتىنان باسقاراتىن اكتيۆتەر جايلى بارلىق مالىمەتتەردى ەشقانداي جالعان اقپاراتسىز بەرۋگە جانە بانك  شىعىندارىن تولەۋگە مىندەتتەدى؛  

-  2016 جىلدىڭ  17ء-شى ماۋسىمىندا ماگيسترلەر سوتى  بانك اكتيۆتەرىن ۇرلاۋدى باسقارعان سەنىمدى ادام ي.اگراۆالعا قاتىستى اقپاراتتى اشۋ جايلى بۇيرىق شىعاردى.

 بۇيرىققا ساي ي. اگراۆال   2012 جىلدىڭ قاراشا ايىنان باستاپ 2016 جىلدىڭ 29-شى ماۋسىمىنا دەيىن ءابليازوۆ باسقارعان اكتيۆتەرگە قاتىستى كەلىسىمدەر تۋرالى بارلىق كەرەكتى اقپاراتتاردى بەرۋى ءتيىس. 

اقش: 

- نيۋ-يورك ق. وكرۋگتى سوتى  (ارى قاراي - سوت)  الماتى ق. اكىمدىگىنىڭ ءىلياس حراپۋنوۆ، ۆيكتور حراپۋنوۆ جانە مۇحتار ءابليازوۆقا قاتىستى بتا بانكىنە جاۋاپكەر رەتىندە جانە بتا بانكىنىڭ سوت پروسەسسىنە قاتىسۋى تۋرالى ءوتىنىشىن قاناعاتتاندىردى. Triadou ( اقش-تاعى م.ءابليازوۆ پەن ي. حراپۋنوۆقا قاتىستى باقىلاۋداعى زاڭدى تۇلعا)  نىيۋ-يورك ق. سوتىنا جاتپاۋشىلىعى قابىلدانبادى.

سوت بانك جانە الماتى ق. اكىمشىلىگىنىڭ ارگۋمەنتتەرىن قابىل الدى (ارى قاراي –قازاقستاندىق تاراپ)،  بوتەن مۇلىكتى يەلەنۋ «ۇيىمداسقان قىلمىس» زاڭى بويىنشا جاۋاپكەرلەرگە بۇل پروسەسستى فەدەرالدى زاڭ اياسىندا جىلدامداتۋعا مۇمكىندىك بەرەدى.  وسىعان بايلانىستى سوت قازاقستاندىق تاراپتىڭ قامتۋ شارالارى تۋرالى ءوتىنىشىن قابىل الىپ، ەسەپشوتتى بۇعاتتاۋ تۋرالى شەشىم مەرزىمىن ۇزارتتى.

اقش-تىڭ پروسەسستى زاڭى بويىنشا ارى قاراي اقپاراتتى اشۋ پروسەدۋراسى جۇزەگە اسادى، ياعني اقش تەرريتورياسىنان كەشەندى پروسەسس ارقىلى مۇحتار ءابليازوۆ جانە ءىلياس حراپۋنوۆ ۇرلاعان اقشالاردى وڭتايلى ديناميكادا قايتارۋ مۇمكىن بولادى.  قىلمىسكەرلەردىڭ اقپاراتتى ايتۋى نەگىزگى كۇش بولماق، وسى ارقىلى ءقازىر بتا بىلە الماي وتىرعان مالىمەتتەردى الىپ، ولاردىڭ اكتيۆتەرىن بۇعاتتاي الادى.