بۇگىنگى تاڭدا وتاندىق جوو-نىڭ ىشىندەگى  الەمگە تانىمالى، جاستاردىڭ ارمانىنا اينالعان – نازاربايەۆ ۋنيۆەرسيتەتى.

نازاربايەۆ ۋنيۆەرسيتەتىنىڭ ءبىلىم بەرۋ ءادىسىنىڭ باسقا  وقۋ ورىندارىنان ەرەكشەلىگى  ايتارلىقتاي كوپ.

بىرىنشىدەن، ۋنيۆەرسيتەت وزىندىك ءبىلىم ستاندارتتارى بويىنشا جۇمىس ىستەيدى.  وقىتۋ تەك اعىلشىن تىلىندە جۇرەدى، ءبىراق ارنايى قازاق ءتىلى كافەدراسى بار. الەمنىڭ تۇكپىر– تۇكپىرىنىڭ ەڭ ۇزدىك ۋنيۆەرسيتەتتەرىنەن جينالعان پروفەسسورلار ءدارىس بەرەدى (مىسالى، ۇلىبريتانيانىڭ ەڭ ۇزدىك ۋنيۆەرسيتەتى – UCL).

ەكىنشىدەن، ەلىمىزدىڭ باسقا ۋنيۆەرسيتەتتەرىمەن سالىستىرعاندا، نازاربايەۆ  ستۋدەنتتەردىڭ  وقۋى مەن ۋنيۆەرسيتەت جاتاقحاناسىندا جايلى تۇرۋلارى ءۇشىن بارلىق قاجەتتى جاعداي جاسالعان: جيھاز،  تەگىن ينتەرنەت، كىر جۋاتىن ورىن، ساباق وقۋعا ارنالعان بولمەلەر. بۇل وقۋ ورنىندا تەك مەملەكەت تاراپىنان تاعايىندالعان گرانت يەگەرلەرى وقيتىندىقتان،  جاتىن ورنى مەن تاماقتانۋ تەگىن (كۇنىنە 4 رەت). مەنىڭ ەستۋىمشە، ەلىمىزدىڭ باسقا ۋنيۆەرسيتەتتەرىندە كونسەرتتەر مەن باسقا دا ءىس شارالارعا قاتىسۋعا ستۋدەنتتەردى  ماجبۇرلەپ جاتادى. ال،  نازاربايەۆ ۋنيۆەرسيتەتىندە  بولاتىن ءىس شارالار جايىندا  ستۋدەنتتەردى  الدىن-الا حاباردار ەتەدى، بارىپ - بارماۋ  ستۋدەنتتىڭ ءوز ەركىندە.

نازاربايەۆ ۋنيۆەرسيتەتىنىڭ جاتاقحاناسى

نازاربايەۆ ۋنيۆەرسيتەتىنىڭ اسحاناسى

ۇشىنشىدەن، وقىتۋ جۇيەسى، ساباق كەستەسىن، مۇعالىمدەردى ستۋدەنتتەردىڭ وزدەرى تاڭداۋىنا مۇمكىندىك بەرەدى. سونىمەن قاتار، ستۋدەنتتەر ءوز ءبىلىمىن تاجىريبە جۇزىندە دە كورسەتە الادى. حالىقارالىق ءپانارالىق ينسترۋمەنتالدىق ورتالىقتىڭ ماقساتى - ەرەكشە قىمبات تۇراتىن تالداۋ جابدىعىن ءتيىمدى پايدالانۋ، ءپانارالىق ىرگەلى جانە قولدانبالى زەرتتەۋلەردى وتكىزۋ. بۇل ورتالىقتىڭ بازاسىندا جوعارى تەحنولوگيالىق بىرنەشە زەرتحانا اشىلۋدا. زەرتحانالار فيزيكا، حيميا، ماتەريالتانۋ، بيولوگيا، تەحنيكا جانە مەديسينا سىندى ءپانارالىق باعىتتاردى قامتيدى.

ۋنيۆەرسيتەت ميسسياسى - قازاقستاندا ءبىلىم مەن عىلىمي-زەرتتەۋ قىزمەتىنىڭ دامۋىنا مۇمكىندىك بەرۋ، سونىمەن قاتار استانانىڭ ەۋرازيا ورتالىعىندا زەرتتەۋ جانە ءبىلىم بەرۋ ورتالىعىن قالىپتاستىرۋ. 

سپورت سۇيەتىن جاندارعا ارنالعان ەكى تەننيس كورتى، ەكى فۋتبول الاڭى، باسكەتبول الاڭدارى جانە دە سپورتزال بار.

دەگەنمەن، كوپتەگەن مۇمكىندىكتەرگە قاراماستان،نازاربايەۆ ۋنيۆەرسيتەتىندە ءبىلىم بەرۋ اعىلشىن تىلىندە جۇزەگە اسىرىلاتىندىقتان قازاق تىلىنە كوڭىل بولىنبەيدى. سونىمەن قاتار، ءبىلىم بەرۋ جۇيەسى وزگەشە بولعاندىقتان، ۋنيۆەرسيتەتكە ءتۇسۋ ەرەجەلەرى دە وزگەشە. ورتا مەكتەپ وقۋشىلارى مۇنداعى باعدارلامالارمەن تانىس ەمەس. قوسىمشا دايىندىق ارقىلى عانا بۇل ەمتيحانداردى تاپسىرا الادى.

جوعارىدا ايتىلعان كەمشىلىكتەرگە قاراماستان، نازاربايەۆ ۋنيۆەرسيتەتى - كوپتەگەن مۇمكىندىكتەر مەن جارقىن بولاشاققا جول اشاتىن وقۋ ورنى.