بۇل تۋرالى  Qamshy.kz   قازاقپاراتقا سىلتەمە جاساپ حابارلايدى.

ال ريا نوۆوستي اگەنتتىگىنە ءنوۆوسىبىر وبلىسى بويىنشا ءىىم بب باسپا ءسوز قىزمەتىنىڭ وكىلى حابارلاعانداي، پەتر ديەۆياتكيننىڭ ءولى دەنەسى نوۆوسىبىردەن تابىلعان. ەر ادام وزىنە قول جۇمساعان دەگەن بولجام جاسالىپ وتىر.

"10 قىركۇيەك كۇنى تاڭەرتەڭ ءنوۆوسىبىردىڭ لەنين اۋدانىندا 1977 جىلعى ەر ادامنىڭ ءولى دەنەسى تابىلعان. ول وزىنە ءوزى قول جۇمساعان دەگەن الدىن الا بولجام جاسالىپ وتىر. تەرگەۋ كوميتەتى تەكسەرىس جاساپ جاتىر" ، - دەدى وكىل.

قۇقىق بەرۋ ورگاندارىنداعى دەرەككوزدىڭ حابارلاۋىنشا، پەتر ديەۆياتكين اسىلعان كۇيىندە تابىلعان. ول ولەر الدىندا حات تا جازىپ قالدىرعان ەكەن.

ايتا كەتەيىك، ديەۆياتكين ماسكەۋلىك «دينامو»، «نەفتەحيميك»، «سالاۆات يۋلايەۆ»، «سپارتاك»، «امۋر» كلۋبتارىنىڭ ساپىندا ويناعان.

ول 1998 جىلى ناگانودا وتكەن وليمپياداعا قازاقستان قۇراماسىندا قاتىسقان.

سوڭعى كەزدەرى ديەۆياتكين ساحاليندە بالالار باپكەرى بولىپ ىستەگەن. پەتردىڭ ارتىندا ايەلى مەن كىشكەنتاي بالاسى قالدى.

پەتر گەنناديەۆيچ ديەۆياتكين (1977 جىلدىڭ 8 ناۋرىزىندا وسكەمەندە دۇنيەگە كەلگەن) وسكەمەندىك حوككەيدىڭ تۇلەگى، شابۋىلشى. رەسەي چەمپيونى، ازيا ويىندارىنىڭ چەمپيونى (1999)، 1998 جىلعى وليمپيادا ويىندارىنىڭ شيرەك فينالىنا جەتكەن.