ارتىنان رەسەيلىك باسىلىم ايىبىن مويىنداپ، بوكسشىنىڭ جانكۇيەرلەرىنەن كەشىرىم سۇرادى، دەپ حابارلايدى  Qamshy.kz BNews.kz-كە سىلتەمە جاساپ،

«ورتا سالماقتاعى رەسەيلىك چەمپيون گەنناديي گولوۆكين مەن ۇلىبريتانيالىق كەلل برۋك اراسىنداعى جەكپە-جەكتەن كەيىن ۇلىبريتانيالىق بوكسشىعا وتا جاساۋ قاجەت. بۇل تۋرالى 11 قىركۇيەكتە «ر-سپورت» حابارلادى»، - دەپ جازىپتى رەسەيلىك باسىلىم.

الەۋمەتتىك جەلىلەردە ازاماتتارىمىز وسى اقپاراتتى قىزۋ تالقىلاپ، باسىلىمدى قاتتى سىنعا الۋى مۇڭ ەكەن، «جۋرناليستcكايا پراۆدا»: «جىبەرگەن قاتەلىگىمىز ءۇشىن قازاقستاندىق وقىرماندارىمىزدان كەشىرىم سۇرايمىز. گەنناديي گولوۆكين، ارينە، قازاقستان بوكسشىسى» - دەپ كەشىرىم سۇراپ قۇتىلۋدى ءجون كورىپتى.

ايتا كەتەيىك، مۇنداي جاعداي قازاقستاندىق بوكسسۇيەر قاۋىمنىڭ اشۋىنا تيگەن ءبىرىنشى جاعداي ەمەس. رەسەيدە گولوۆكيندى رەسەي ازاماتى دەپ شاتاستىراتىن جاعدايلار ءجيى ورىن الىپ تۇرادى. 2015 جىلى "گازەتا.Ru" سايتى گەنناديي گولوۆكين مەن مارتين ميۋررەي جەكپە-جەگى قارساڭىندا "رەسەيلىك نوكاۋتشىنىڭ 32ء-شى قادامى" دەگەن تاقىرىپپەن ماقالا جاريالاعان ەدى.

ەستەرىڭىزگە سالايىق، گولوۆكين – برۋك جەكپە-جەگى سەنبىدەن جەكسەنبىگە قاراعان ءتۇنى ۇلىبريتانيا استاناسى لوندوندا قالاسىندا ءوتتى. بوكسشىلاردىڭ ايقاسى بەسىنشى راۋندتا اياقتالدى. وتانداسىمىزدىڭ قارقىنىنا توتەپ بەرە الماعان برۋكتى كومانداسى شارشى الاڭعا ورامال تاستاپ قۇتقارىپ الدى.

گولوۆكيننىڭ باپكەرى ابەل سانچەستىڭ ايتۋىنشا، قازاقستاندىق بوكسشى جىل سوڭىنا دەيىن تاعى ءبىر جەكپە-جەك وتكىزەدى.