«الماتى» ارناسىندا رۋحانيات ماسەلەلەرىن وزەك ەتكەن «عيبرات» باعدارلاماسى كورەرمەنگە جول تارتتى، - دەپ حابارلايدى Qamshy.kz.

ءار جۇما سايىن كەشكى ساعات سەگىز جارىمدا شىعاتىن باعدارلامادا ءدىن، ۇرپاق تاربيەسى، ءتىل مەن تاريح جايى ءسوز بولماق.

باعدارلاما اۆتورى – جۋرناليست ايدوس جۇقان ۇلى.

«عيبراتتىڭ» ءار باعدارلاماسىنا بەلگىلى ءبىر تاقىرىپتى تاڭداپ الىپ، تۇشىمدى وي ايتاتىن ساراپشى مامانداردىڭ پىكىرىن تىڭداماقپىز. العاشقى باعدارلامامىز ءدىن تاقىرىبىنا ارنالىپ، تەرىس اعىمدار تابيعاتىن ءسوز ەتتىك. ستۋديامىزعا قوعامداعى ەكستەرميزم، تەرروريزم جايىندا وي ايتىپ جۇرگەن ساياساتتانۋشى ايدوس سارىم مەن ءدىن مامانى، «نۇر» يسلام مادەنيەتى ۋنيۆەرسيتەتىنىڭ وقىتۋشىسى جاسۇلان جۇسىپبەكوۆپەن پىكىر الماستىق»، - دەيدى باعدارلاما اۆتورى ءارى جۇرگىزۋشىسى ايدوس جۇقان ۇلى.