نۇرسۇلتان نازاربايەۆ ۇكىمەتتەگى جانە ءبىرقاتار مەملەكەتتىك ورگاندارداعى جاڭا تاعايىنداۋلار مەن قۇرىلىمدىق وزگەرىستەرگە تۇسىنىكتەمە بەرە وتىرىپ، ولاردىڭ قازىرگى سىن-قاتەرلەردى لايىقتى ەڭسەرۋ قاجەتتىلىگىنەن تۋىنداعانىن ايتتى، - دەپ حابارلايدى Qamshy.kz اقوردا سايتىنا سىلتەمە جاساپ.

– جاقىندا وبلىستاردىڭ، استانا مەن الماتى قالالارى اكىمدەرىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا داعدارىسپەن كۇرەس جۇمىسىنان ەكونوميكانىڭ ءوسىمىن ىنتالاندىرۋ باعدارلاماسىنا كوشۋ جونىندەگى شارالار تالقىلاندى. بۇل قوسىمشا جۇمىس ورىندارىن اشۋدى،  اتاپ ايتقاندا، اۋىل شارۋاشىلىعىندا، ءتۇرعىن-ۇي قۇرىلىسىندا جانە باسقا دا سالالاردا حالىقتىڭ تابىسىن ارتتىرۋدى كوزدەيدى. وسىعان بايلانىستى جاڭا مينيسترلەر كابينەتى الدىنا ناقتى مىندەتتەر قويىلدى. ۇكىمەت قۇرامىندا جاسالعان وزگەرىستەر باسقارۋشىلاردىڭ جاڭا بۋىنىنىڭ، سونىڭ قاتارىندا «بولاشاق» باعدارلاماسى تۇلەكتەرىنىڭ دە ۋاقىتى كەلگەنىن كورسەتەدى، – دەدى نۇرسۇلتان نازاربايەۆ.

مەملەكەت باسشىسى جاسالعان وزگەرىستەر حالىقتىڭ ءال-اۋقاتىن ارتتىرۋعا، ەكونوميكالىق كورسەتكىشتەردى جاقسارتۋعا، ۇلتتىق قاۋىپسىزدىكتى قامتاماسىز ەتۋگە جانە قازاقستاننىڭ قارقىندى دامۋىنا باعىتتالعانىن اتاپ ءوتتى.