شەشەنستان پرەزيدەنتى رامزان قادىروۆ بايقوڭىرداعى قازاقستاندىق 7 جاسار ەليف نۇرجانوۆاعا وتا جاساتۋ ءۇشىن 10 500 دوللار اۋداردى. بۇل تۋرالى Qamshy.kz حابارلايدى Tengrinews.kz cىلتەمە جاساپ. اينۇر نۇرجانوۆانىڭ ايتۋىنشا، قادىروۆتىڭ ءوزى Instagram جەلىسىندەگى pomogite_elif پاراقشاسىنا جازىپ، كومەك بەرۋگە ۋادە بەرگەن. ال كەيىننەن اقشا اۋدارعان.
"بۇل ناعىز باقىت، مەنىڭ ءسوزىم جوق. قۇرمەتتى @kadyrov_95 سىزگە كوپ راقمەت، انا رەتىندە العىس ايتامىن. قۋانىشتان كوزىمە جاس الىپ وتىرمىن. قۇرمەتتى دوستار، وسى كۇنگە دەيىن ەسەپشوتقا كوپ قاراجات اۋدارىلدى. ءارقايسىسىڭىزعا راقمەت ايتامىن. مەيرامنان سوڭ ناقتى قانشا سوما تۇسكەنىن ايتامىن. 1 قازاندا تەكسەرىستەن وتەمىز. ءالحامدۋليللاح، ءبىزدىڭ ەسەپشوت جابىلدى"، - دەپ جازدى اينۇر ءوزىنىڭ پاراقشاسىندا.
ايتا كەتەيىك، قىزدىڭ اناسى قاراجاتتى الەۋمەتتىك جەلىلەر ارۇىلى جيناعان. 9 قىركۇيەكتە تۇركيادا قىزدىڭ ومىرتقاسىنا وتا جاسالدى. دارىگەرلەر ونىڭ ىشكى ورگاندارىنا قىسىم تۇسپەس ءۇشىن بارىن جاسادى.
