ۇلتتىق ەكونوميكا مينيسترلىگىنىڭ حابارلاۋىنشا 2017 جىلى ۇلتتىق قوردان الىناتىن ترانسفەرتتەر قور كىرىسىنەن 1،4 تريلليون تتەڭگەگە ارتپاق. ۇلتتىق قوردىڭ اكتيۆتەرى 2019 جىلى 63،4 ملرد دوللاردان (2015 جىلعى كورسەتكىش) 50،7 ملرد دوللارعا دەيىن قىسقارماق، - دەپ حابارلايدى Qamshy.kz.

ۇكىمەت ءالى دە ۇلتتىق قوردان الىناتىن ترانسفەرتتەر كولەمىن ساقتاۋعا ءماجبۇر بولىپ وتىر.

«مۇناي باعاسىنىڭ تومەندەۋى كەزەڭىندە ۇلتتىق قوردى ساقتاپ قالۋ ماڭىزدى. ءبىراق، ازىرگە بازالىق بولجامدار بويىنشا ۇلتتىق قوردان الىناتىن ترانسفەرتتەر كولەمى ونىڭ كىرىسىنىڭ كولەمىنەن ارتىق بولادى. وسىعان بايلانىستى ءبىز 2018 جىلدان باستاپ ۇلتتىق قوردان الىناتىن قاراجاتتى قىسقارتامىز. قازىرگى ۋاقىتتا ءبىز ۇلتتىق قور قاراجاتىن باسقارۋ تۇجىرىمداساسىن ازىرلەپ جاتىرمىز، ول وسى جىلدىڭ اياعىنا دەيىن دايارلانىپ، ۇكىمەت قاراۋىنا ۇسىنىلادى»، - دەگەن بولاتىن ماجىلىستەگى ۇكىمەت ساعاتىندا ۇلتتىق ەكونوميكا ءمينيسترى قۋاندىق بىشىمبايەۆ.

مينيستر سونداي-اق، 2016 جىلعى 1 قىركۇيەكتەگى جاعداي بويىنشا ەلدىڭ حالىقارالىق رەزەرۆتەرى جىل باسىنان بەرى 4،6 پايىزعا ءوسىپ، 95،6 ميلليارد دوللاردى قۇراسا، ۇلتتىق قور اكتيۆتەرى 2،1 پايىزعا ءوسىپ 64،9 ميلليارد دوللارعا جەتكەنىن دە ايتتى.

دەپۋتاتتار بولسا، ۇلتتىق قور قاراجاتىن ساقتاپ قالۋ ءۇشىن ەكونوميكانىڭ ىشكى مۇمكىندىكتەرىن پايدالانىپ، جەكە ينۆەستيسيالار مەن كاسىپكەرلىكتى دامىتۋعا كوڭىل ءبولۋ كەرەكتىگىن ايتىپ وتىر.

بۇعان دەيىن پورتالىمىزدا قازاقستاننىڭ سىرتقى قارىزى سوڭعى ءتورت جىلدا سەگىز ەسە وسكەنى تۋرالى جازعان بولاتىنبىز.