الماتى وبلىسىندا قاندىقول ۇرىلاردىڭ قولىنان قازا تاپقان اعايىندىلاردىڭ دەنەلەرى بۇگىن قارا جەر قوينىنا تاپسىرىلدى. ءۇش بىردەي ازاماتىنان ايىرىلعان اۋلەتپەن بىرگە كۇللى ەل قايعىردى. كوڭىل ايتۋشىلاردىڭ كوپتىگى سونشا كەلگەندەر كوشەگە سىيمادى، - دەپ حابارلايدى Qamshy.kz كتك ارناسىنا سىلتەمە جاساپ.

ۇلدارىنىڭ ءتىرى ەكەنىن سەنىپ، بىرنەشە كۇن بويى توسقان توقسانداعى انالارى بولسا اۋىر قازانى كوتەرە الماي، توسەك تارتىپ قالعان. ءقازىر قاندى قىلمىس قاتىستى جالعىز ايعاق زات رەتىندە اڭشى مىلتىعى تابىلىپ وتىر.

ءۇش بىردەي ازاماتىنان ايىرىلىپ جىلاعان اۋلەتتىڭ اششى داۋىسى اۋىلدىڭ سىرتىنا دەيىن ەستىلىپ تۇر. تەك تۋىسقاندار عانا ەمەس، اعايىندار ءۇشىن الاڭداعان الابوتەن ادامدار دا كوڭىل ايتۋعا كەلىپتى. مارقۇمداردىڭ ارتىندا قالعان شيەتتەي بالالارى بولسا، اكەلەرىنىڭ قازاسىنا ءالى دە سەنە الار ەمەس. ال انانىڭ جايى ءتىپتى اۋىر. ۇلدارىن توعىز كۇن بويى توسقان توقسانداعى قاريا توسەك تارتىپ جاتىپ قالىپتى. بىردەن ءۇش باۋىرىن ۇيدەن شىعاراردا اعالارىنا دەيىن تالىپ قالدى.             

مارقۇمداردىڭ بالالارىنىڭ ۇلكەنى – 13-تە، ەڭ كىشىسى-نەبارى ءبىر جاستا ەكەن. ەسى كىرگەندەرى بولماسا، قالعاندارى بولعان جايتتى تۇسىنبەي ەسىك الدىندا ويناپ ءجۇر. اتپالداي ءۇش ازامات ۇلكەن اۋلەتتىڭ اسىراۋشىسى بولعان. قارتايعان اكە-شەشەلەرىنىڭ تابانىن جەرگە تيگىزبەي باعىپ ءجۇرىپتى.   

تۇرسىن ءامىرباي ۇلى، مارقۇمداردىڭ اكەسى:

-تاماق بەرىپ، باعىپ وتىرعان وسى ۇل مەن كەلىن ەدى. ۇل كەتتى، كەلىننىڭ ءوزىنىڭ دەنساۋلىعى جوق، كىم باعادى ءبىزدى ەندى؟ كىمگە بارىپ تەلمەڭدەيمىن ەندى مەن؟

ۇرىلار اعايىندىلاردى اڭشى مىلتىعىمەن اتىپ ءولتىرىپتى. قارۋ قانىپەزەرلەردىڭ ۇيىنەن تابىلىپ، ازىرگە جالعىز ايعاق زات رەتىندە ىسكە تىركەلدى. دەگەنمەن، مارقۇمداردىڭ تۋىستارى تەرگەۋشىلەردىڭ و باستاعى سىلبىر قيمىلىنا وكپەلى. ويتكەنى، مالشىلار ورتەنگەن كولىكتى تاۋىپ بەرگەندە دە الگىلەر قازبالاپ يەسىن ىزدەمەپتى.      

ادال زارلىقان، مارقۇمداردىڭ اعاسى:  

-ماشيناسى دۇيسەنبى كۇنى 19-ى كۇنى ورتەنگەن، كەشكى 9-دان 40 ءمينوت  وتكەندە. سول جەردەگى مالشىلار ۇزىناعاشتىڭ ىشكى ىستەر بولىمىنە حبارالاپ ايتقان ەكەن. سوندا نەگە ىزدەمەيدى؟مەن ادامدى تاۋىپ بەرگەنىنە، قانىشەرلەردى ۇستاعانىنا رازىمىن، ءبىراق دەر كەزىندە ىزدەمەگەنىنە ءىشىم كۇيەدى. ماعان تەلەفون سوقتى، كولىگىمنىڭ تۇرعان جەرىن ايتىپ.

اشىنعان اعايىن قاندى قىلمىستى ەكى ەمەس، بىرنەشە ادامنىڭ جاساعانىنا سەنىمدى. ويتكەنى، مال تيەلگەن ەكى جۇك كولىكپەن 3 بىردەي جەڭىل كولىكتىڭ ىلەسىپ كەتىپ بارا جاتقانىن كورگەندەر بار. تەپسە تەمىر ۇزەر اتپالداي 3 ازاماتتىڭ اياق-قولىن ەكى ادامنىڭ بايلاۋى دا اقىلعا قونىمسىز دەيدى قارا جامىلعان وتباسىلار. جارقىنبەك، قادىلبەك، مۇقيات ەسىمدى ءۇش اعايىندى ۇزىناعاشتاعى مال بازارعا 40 باس سيىرىمەن كەتىپ، ءىس-تۇسسىز جوعالعان. الدىمەن كولىكتەرى بوس كۇيىندە تابىلىپ، كەيىن مايىتتەرى قاراۋسىز قالعان قورانىڭ ىشىنەن شىققان بولاتىن.