بۇگىن مەملەكەت باسشىسى جۇمىس ساپارىمەن بارعان پاۆلوداردا «رومات» فارماسيەۆتيكالىق كاسىپورنىنىڭ 35 جۇمىسكەرى مەرزىمسىز اشتىق جاريالادى، - دەپ حابارلايدى Qamshy.kz exclusive.kz – كە سىلتەمە جاساپ. 

وسى كۇنگە دەيىن وبلىستىڭ ماقتانىشى بولىپ كەلگەن كومپانيا ءبىراز ۋاقىتتان بەرى قارجىلىق قيىندىققا ۇرىنعان كورىنەدى. ءقازىر كاسىپورىننىڭ ەسەپ شوتتارى توقتاتىلىپ، قىزمەتكەرلەر سانى ەكى ەسەگە قىسقارتىلعان، سالىق ورگاندارى ءتۇرلى سانكسيالار قولدانۋدا.

كاسىپورىن مەنەدجەرلەرى بولسا كرەديتور سەنتركرەديت بانكىمەن اراداعى تۇسىنبەۋشىلىكتى بەلگىلى-بىر توپتار پايدالانىپ وتىرعانىن ايتقان. مۇنى اتالعان داۋلى جاعدايعا باسىندا جەرگىلىكتى بيلىك ورگاندارىنىڭ ارالاسىپ، كەيىن سىرتتاپ كەتۋى دە راستاي تۇسكەندەي.

جاقىندا ەلدىڭ ينۆەستيسيادار جانە دامۋ جونىندەگى ۆيسە-مينيسترى البەرت راۋ، جوعارعى سوت، باس پروكۋراتۋرا، دەنساۋلىق ساقتاۋ جانە الەۋمەتتىك دامۋ، قاردى مينيسترلىكتەرى مەن وزگە دە مەملەكەتتىك ورگاندار وكىلدەرى دە كومپانيانىڭ ماسەلەسىنە ارالاسىپ، داۋلاسۋشى تاراپتاردى تاتۋلاستىرۋعا تىرىسقان. الايدا، كومپانيانىڭ قارىزدارىن جابۋعا دايىن جاڭا ينۆەستور تابىلعانىمەن ماسەلەنىڭ وڭ شەشىلەتىن ءتۇرى بايقالماعان.