اقتوبەدە ماۋسىم ايىندا بولعان لاڭسكەتتىك وقيعاعا قاتىستى تەرگەۋ اياقتالىپ، ءىس سوتقا تاپسىرىلدى. ەندى زاڭ الدىندا 29 ادام جاۋاپ بەرەتىن بولادى. ارالارىندا سويقان سالعان 9 سودىر بار، - دەپ حابارلايدى Qamshy.kz كتك ارناسىنا سىلتەمە جاساپ.

پروكۋرورلار اتىشۋلى وقيعاعا قاتىستى ەكى جۇزدەن استام ساپارتاما جۇرگىزگەن. قازىرگى كۇنى تاعىلعان ايىپتاردى سوت الدىندا دالەلدەپ شىعۋعا ايعاعىمىز ءازىر دەپ وتىر. ءبىر اپتا بويى قاشىپ جۇرگەن لاڭكەستەردى جالدامالى پاتەردە جاسىرعان ەكى جىگىت تە جازاسىز قالمايدى دەپ سەندىردى ولار. سونداي-اق، سيرياداعى يمامدارىنىڭ ۋاعىزىنا ەرمەي، شابۋىلعا شىعۋدان باس تارتقان 18 اقتوبەلىك تە ءقازىر قاماۋدا وتىر. ولارعا قىلمىس تۋرالى الدىن الا حابارلاماعانى ءۇشىن ايىپ تاعىلدى. ايتا كەتەلىك، سودىرلار ءتورت اي بۇرىن قارۋ-جاراق دۇكەنى مەن اسكەري بولىمگە شابۋىل جاساپ، 7 ادام وققا ۇشقان بولاتىن. 30  ادام جاراقات الدى. ال جات اعىمنىڭ جەتەگىندە كەتكەن 18 سودىردىڭ كوزى جويىلدى. لاڭكەستەرگە قاتىستى العاشقى سوت وتىرىسىنىڭ قاي كۇنى باستالاتىنى ءازىر بەلگىلەنگەن جوق.