ءۇي ىشىندە كەرەمەت جايدارى، تەنتەك بالالار سىرتقى ورتادا ۇيالشاق، جاسىق بولىپ قالادى،مۋنداي بالالار راسىمەن وتە كوپ،وسى جاعداي جونىندە بايانداي كەتسەم.

بالادا سىرتقى ورتاداعى تۇيىقتىقتىڭ قالىپتاسۋىنا كوپتەگەن فاكتورلار اسەر ەتەدى، بۇعان ءۇي تاربيەسى دە كىرەدى. شەكتەن تىس بالانى شەكتەۋ مەن قاتتى ەركەلەتىپ جىبەرۋ دە بالانىڭ سىرتقى ورتادا تۇيىقتانۋىنا اسەر ەتەدى. قارىم-قاتىناس كەزىندە بالانىڭ جانى جارالانعان كەزدەرى بولسا، بالا سىرتقى ورتاعا ساقتىق كوز قاراسپەن قاراپ،اشىلىپ سويلەمەيتىن بولادى.

نەگىزى بالانىڭ قوعامدىق ورتادا تۇيىق، ۇيالشاك بولۋى، ونىڭ قارىم-قاتىناس جاساعاندا قوبالجىپ، قورقاتىنىنىڭ بەلگىسى ەكەن، مۇنداي بالالار ءۇي ىشىندە ىركىلمەي سويلەۋى مۇمكىن. ءبىراق ساحانادا نەمەسە قوعامدىق ورتادا قاتتى قىزارىپ، ۇندەمەي، ءتىپتى تارتىنشاقتايدى. سەبەبى بالا ءوزىن باسقا ادامداردىڭ ءۇي ىشىندەگى ادامدارداي جاقسى كورۋىن كالايدى، ءبىراق كوپ جاعدايدا ءوزىنىڭ ارەكەتتەرى ءۇشىن مازاققا قالامىن با دەپ قورقادى.

وسى جايتتاردى بولدىرماس ءۇشىن ءۇي جاعدايىندا بالاعا نە ايتىلىپ جۇرگەنىنە نازار اۋدارا ءجۇرىڭىز. بالا ول جەكە تۇلعا، ونىڭ تولىق قالىپتاسۋى ءۇشىن وعان جەتكىلىكتى تۇردە ەركىندىك بەرگەن ءجون. ونىڭ وتباسىنداعى ادامدارمەن قارىم قاتىناسىنا كوبىرەك قولداۋ ءبىلدىرىپ، ونىڭ ىشكى سەزىمىمەن ساناسىپ،ونىڭ ىستەكەن ءىسىن تۇسىندىرۋگە مۇمكىندىك بەرىڭىز، ايتار ويىن تولىق جەتكىزۋىن قاداعالاپ، سوزىنە قۇلاك سالىپ، ونى تۇسىنۋگە تىرىسقان ءجون.

باسىندا، ءسىز بالاڭىزبەن بىرگە بوگدە ادامدارمەن نەمەسە وزگە بالالارمەن بىرگە ارالاسىپ كورىڭىز، بالا ءوزىن سول ورتادا ءقاۋىپسىز سەزىنسىن، ويىنشىقتار كوپ بەرەڭىز، باسقا بالالاردىڭ ءسىزدىڭ بالاڭىزبەن ءوز ەركىمەن ويناسىن، ونى مەن جاقسى دوس بولعان بالاقايلارمەن ارالاسۋىن قولداڭىز، ءار دايىم جىگەرلەندىرىپ وتىرىڭىز، ەڭ باستىسى بالاعا كوپ قاباق شىتپاڭىز.

وسىلاي بىرتە-بىرتە بالانى قوعامعا ارالاستىرۋ ارقىلى، اقىرىنداپ قوبالجۋ، تارتىنشاقتاۋ، تۇيىقتانۋىن جويۋعا بولادى.

مادينا ورداباي