ۋ بالدىرعان – گۇلدىڭ اتى، دالا گۇلىنە جاتادى.

قازاق گۇل باپكەرلەرى ۋ بالدىرعان گۇلىن ۋلى گۇلدەر تۇقىمادسىنا جاتقىزادى. كوپجىلدىق گۇلدى جەمىستى شوپتەكتەس وسىمدىك دەپ بىلەدى. ۋ بالدىرعان گ ۇلىنىڭ بيىكتىگى 50-100 سانتيمەتردەي بولادى. گۇلدىڭ دەنەسى تۇكسىز جىلتىراپ تۇرادى. تامىرى سابىزگە ۇقسايدى، ەرەكشە ءيىسى بولادى، بۇتاقشالارعا بولىنەدى. ۇزىننان بولگەندە بۋىن قۋىسى كورىنەدى، ساباعى قۋىس ۇزىكتى بولادى، تىك وسەدى. 2-3 قايتالانعان قاۋىرسىندى كۇردەلى جاپىراعى كەزەكتەسىپ ورنالاسادى. ءتۇپ جاعىندا وسەتىن جاپىراقتارى ۇزىن ساعاقتى. ال ساعاعىنداعى جاپىراقتارى قىسقا ساعاقتى كەلەدى. كۇردەلى شاتىرشا گۇل شوعىرى اق ءتۇستى بولىپ گۇل اشادى. گ ۇلى ساباعىنىڭ ۇشىندا وسەدى. قوس تۇقىمدى جەمىسى جۇمىرتقا فورمالى قىرى جانە قاناتتارى بولادى. ۋ بالدىرعان گ ۇلى شىلدە، تامىز ايلارىندا گۇلدەيدى. گۇلدەگەن كەزىندە اجارىنىڭ اي جامالداي اشىلعان اسەم ارۋ كەزى، دارىلىك جانە زارىلىك جاقتان تولعان كەزى.

ۋ بالدىرعان گ ۇلىنىڭ جەر شارىندا جۇزدەن استام ءتۇرى تاراعان. ولار وزەن جاعالارىندا، سايالاردا، ورمان ارالارىندا وسەدى.

قازاق ەمشىلەرى ۋ بالدىرعان گ ۇلىنىڭ تۇتاس ءشوبى جانە تامىرى ءدارى بولادى دەپ قارايدى. كوكتەم مەن كۇزدە جيناپ الىپ، تازالاپ كەپتىرەدى. ارتىنان ۇساقتاپ تۋراپ، ءدارى جاسايدى نە ءدارى قورى رەتىندە ساقتايدى. بۇل گۇلدەن جاسالعان دارىلەردىڭ قاسيەتى – اششى ءدامدى، جىلى رايلى، وتە ۋلى بولادى. قۇرتتى ولتىرەدى، شىبىندى قىرادى.

قازاقتار ەرتە زاماندا شىبىن ولتىرەتىن ءدارى جوق كەزدە ۋ بالدىرعاندى جيناپ الىپ، شىبىن قوناتىن جەرگە قويادى. سوندا شىبىندار قىناداي قىرىلادى. بۇل ءدارىنى ءىرىڭدى سۇيەك قابىنۋعا، تەرىس تەسىلىپ ءىرىڭ اققان جەرگە، جاڭا جينالعان ۋ بالدىرعاندى ءشوبىن شىنى ىدىسقا جانشىپ، جۇمىرتقانىڭ اعىن قوسىپ جەلىم ءتارىزدى بولعاندا ءىرىڭدى تەسىككە تارتادى، سوندا ول اۋرۋ جازىلادى. از مولشەردە پايدالانعان ءجون. ۋلانىپ قالۋدان ساق بولۋ شارت.

بولات بوپاي ۇلى جوتا قاجى