مونشاق ءجۇزىم – جەمىستى گۇلدىڭ اتى، باقشا جەمىسىنە جاتادى.

         قازاق گۇل باپكەرلەرى مونشاق ءجۇزىمدى جۇزىمدەر تۇقىمداسىنا جاتقىزادى، شىرمالىپ وسەتىن جۇزىمدەر تۋىسى دەپ بىلەدى. قازىرگى كەزدە ونىڭ 4000-نان استام ءتۇرى بار. وسىمدىك زەرتتەۋشىلەرىنىڭ ايتۋىندا، 60 ميلليون تۇردەن اساتىن مونشاق ءجۇزىم الدەم ەلدەرى باقشاسىندا ەگىلۋدە. كوپجىلدىق اعاشتەكتەس وسىمدىك، ونىڭ ۇزىندىعى 1-3 مەتر شاماسىندا بولادى. جاپىراعى كەزەكتەسىپ ورنالاسقان. شاشاق گۇل شوعىرى جاپىراعىمەن قاراما-قارسى ورنالاسادى. گ ۇلى جاسىل ءتۇستى، ۇساق جيەگى قىزىل گۇل ءتۇستى كەلەدى. قۇمدى، ىستىق جەرلەردە وسەدى.

قازاقتىڭ كونەكوز، كورەگەن ەمشىلەرى مونشاق ءجۇزىمنىڭ جەمىسى ءدارى بولاتىنىن ايتادى. كۇزدە جەمىسى پىسكەندە جيناپ الىپ، كولەڭكە جەردە كەپتىرەدى. مونشاق جۇزىمنەن جاسالعان دارىلەردىڭ قاسيەتى – ءتاتتى ءدامدى، جىلى رايلى، ۋىتسىز بولادى. اۋرۋدىڭ سىرتقى بەلگىلەرىن ەمدەپ، قىزىلشانى سىرتقا شىعارادى. نەسەپتى مولايتادى، ۋىتتى قايتارادى. قىزىلشا سىرتقا شىقپاعاندا مونشاق جۇزىمنەن 5 مىسقال، قامىس تامىرى 3 مىسقال، اسكوك تامىرى 3 مىسقالدان سۋعا قايناتىپ ىشكىزەدى. سودان قىزىلشا بورتكەندەرى ادامنىڭ سىرتىنا شىعادى، قاۋىپ-قاتەردەن امان قالادى.

جاس بالانىڭ ىستىعى كوتەرىلىپ، قىزىپ اۋىرعاندا، نەسەپ جولى قابىنىپ قىزعاندا، ىشتەگى بالا تىنىشسىزدانعاندا دا وسى ءدارىنى پايدالانۋعا بولادى. مونشاق ءجۇزىمىنىڭ قۇرامىندا قانت جانە ءار الۋان دارۋمەندەر كوپ. ول ادام دەنساۋلىعىنا پايدالى، كەرى اسەرى جوق.