بۇل جولعى ،«ەفير. ءومىر. ولەڭ» اتتى ولەڭدەر توپتاماسىنىڭ اتاۋىن وزگەرتىپ بەردىك. توپتاما ەرتەرەك دايارلانعانمەن، مەيىرحاننىڭ قازىرگى حالىنە بايلانىستى ءبىز ءوز تاراپىمىزدان جاراتقاننان وعان شيپا،باسىنا اماندىق تىلەيمىز. وسى اپتانىڭ ىشىندە، تۇركيالىق ۇلكەن سايتتاردىڭ بىرىندە، «Göz nurum،gönul şarkım olan-iyi adam!» اتتى اڭگىمەسىنىڭ تۇساۋىن كەسەمىن دەپ جۇرگەن جالىندى جاستىڭ كەنەتتەن جۇرەك دەرتىمەن اۋرۋحاناعا تۇسكەنى جانارىمىزعا جاس ءۇيىردى. مەيىرحاننان ءبىز بەن وقىرمان كەسەك-كەسەك جاڭا تۋىندىلار كۇتەمىز. وقىرمان قاۋىم، «شاراپات» شىعارماشىل جاستار بايقاۋىنىڭ باس جۇلدەگەرى اتانعان ءحام تۇركيادا وتكەن سان ءتۇرلى بايقاۋلاردا ءوزىن دالەلدەپ جۇرگەن مەيىرحان مەيرامبەك ۇلىنىڭ ولەڭدەر توپتاماسىن وقىرمانعا ۇسىنامىز .
اعا
سۋنا گۇلەر
قاڭتار بولماسىن دەپ،
قيالىمنىڭ كوگى تازا.
ءۇمىتىڭ سولماسىن دەپ،
ەسسىزگە قولدانار جازا.
كۇزى كوپ كوڭىل نازىن،
جاتسىنباي قابىلدار.
جۇرەگىمە ءۇمىت ءنارىن،
سىڭىرۋگە اركەز قۇمار.
تاعدىر تارتۋى
انگەلينا اگاپيا
بارىما شۇكىر ەتەيىن،
ءومىر مۇڭىن نەتەيىن...
جالعاننىڭ جۇزىنە،
كۇلىپ –كۇلىپ كەتەيىن.
سوقىر دەسە دە بىرەۋ،
جانىمدا بار تىرەۋ.
بولمايدى ول بار دا،
مەندە ەش كۇيرەۋ.
ۇنىمەن سۇيرەر،
جىلى ءسوزسىز-اق.
جايىم جوق كۇيرەر،
مۇڭدار مەنەن ۇزاق.
قۇرا الماس ول باردا،
ماعان تاعدىر تۇزاق.
جاۋاپسىز قالماس،
ءومىر تارتقان سۇراق.
اياماڭىز... ايالداڭىز...
انگەلينا اگاپيا
اياماڭىز...
شاراسىز جۇرەك ءۇشىن.
ايالداڭىز...
جاققۇت جىرىم ءۇشىن...
اياماڭىز...
تامشى جاستارىم ءۇشىن...
ايالداڭىز...
ارايلى تاڭدارىم ءۇشىن...
اياماڭىز...
تۇك كورمەس جانارىم ءۇشىن...
ايالداڭىز...
بيىكتە سامعاۋىم ءۇشىن...
اياماڭىز... ايالداڭىز...
ولەڭگە ءوزىمدى ارناۋىم ءۇشىن...
ارمان جىلاسا...
فەريدە اسلان
قاباقتا - مۇڭ....
قايعىم – ىشتە.
جىلاپ رۋحىم،
تاپا تال تۇستە.
ارمانىڭ جىلاسا،
ءۇمىتىڭ دارمەنسىز.
ارمانىڭ جىلاسا،
جۇرەگىڭ سەنىمسىز.
كۇتكەن باقىتىڭ،
الداسا ازاپ سول.
ءبىر ۋىس شاتتىعىڭ،
باستار كەيدە جول.
جادىڭنان وشىرگەن،
وتكەن شاق كەلمەس.
كوڭىلىم كەمسەڭدەگەن،
سانامنان ەسىمىڭ وشپەس.
اسپان دەرتىن ايتىپ،
اق جاڭبىرعا اينالار.
اقىن سىرىن ايتىپ،
ءبىر ساعىمعا اينالار.
كەپتەر مەن كەيىپكەر
نەسليشاھ ەرگەن
تەڭىز نەگە تولقيدى،
كوبىك شاشىپ كوككە.
جۇرەك نەگە تولقيدى،
جانۋ ءۇشىن-اۋ ورتكە.
كەپتەرلەرگە تاڭمىن،
حات تاسىعان كوڭىلدەن.
كەيىپكەرىمە تاڭمىن،
الىستاتقان ومىردەن.
ءانۋار
فەريدە اسلان
ءانۋار،
جان ۇعار.
جالعاندا،
ارمانى – تۇمار.
ءانۋار،
جان قۇمار.
لەبىز سوزىڭە،
جان جىرلار.
باعالارمىن سەنى
مينارا ابيلوۆا
سەن،
ءمولدىر تامشىم،
سەن،
ءمولدىر جانسىڭ.
قيالىم قارىسىپ،
مۇڭمەنەن الىسىپ،
ۋاقىتپەن جارىسىپ،
ساعىنىشپەن تابىسىپ.
سەن،
تەڭىزدەي تەرەڭىم.
سەنى،
وزىمدەي كورەمىن.
سەن،
قيالماس قىمباتىم،
سەن،
جىرمەن تەڭ اتىڭ.
ساعىنعان شاعىڭدا،
جۇرەگىم شاعىنا.
جەتپەي جىلادىم،
ءومىردىڭ جازىنا.
كەشىرىم
مينارا ابيلوۆا
كەشىرىم سۇراپ،
ۇيرەنە المادىم.
جانىمدى قيناپ،
ءوزىمدى الدادىم.
كەشىرىم بەردىم،
سانام سوككەنمەن.
كەشىرىپ كەلدىم،
جۇرەككە سىز وتكەنمەن.
