مەن، مەيىرلان شاكەيەۆ، الماتى قالاسىندا تۇرامىن. ناۋرىزباي اۋدانىنىڭ اۋماعىندا ورنالاسقان جەكە ماسسيۆتە تۇرامىن. ءبىراز ۋاقىت بۇرىن قۇداي قوسقان كورشىم ا. ساديحوۆامەن جەر ۋچاسكەسىنە بايلانىستى كەلىسەۋشىلىك بولىپ، ول داۋ سوتتا قارالدى. سوت ءتيىستى شەشىم شىعارىپ، تەك ەكى ۇيگە عانا قاتىستى ەمەس، بىرنەشە وتباسىنىڭ مۇددەسى توعىسقان جەر ۋچاسكەسىنە قاتىستى شەشىم شىعاردى. الايدا، ءىس ونىمەن بىتپەدى. وسىدان كەيىن كورشىلەر اراسىندا جەككورۋشىلىك، باقتالاستىق باستالدى. وعان كورشىم ا. ساديحوۆانىڭ ۇلى، سول كەزدە پوليسيادا قىزمەت ىستەگەن ە.ميرزايەۆتىڭ ارەكەتتەرى سەبەپ بولدى جانە داۋدى ودان ءارى ءورشىتىپ جىبەردى. ءبىزدى نەگىزسىز ايىپتاپ، بالالارىمنىڭ كوزىنشە بالاعاتتاپ، ءتىپتى، ءۇيىمنىڭ قاقپاسىنا كولىكتەرىن تىرەپ قويىپ، ۇيگە كىرىپ-شىعۋىمىزعا بوگەت جاساعان كەزدەرى دە بولدى.

مەن ءوز اۋلاما قاۋىپسىزدىك ءۇشىن بەينەكامەرا ورناتتىم. وسى ارەكەتىمدى كورشىم ا. ساديحوۆا زاڭعا قايشى، جەكە ومىرىمە قول سۇعۋشىلىق دەپ تاۋىپ، الماتى قالاسى ناۋرىزباي اۋداندىق پروكۋراتۋراسىنا شاعىم ءتۇسىردى. پروكۋراتۋرا ق ر قىلمىستىق ءىس جۇرگىزۋ كودەكسى تالاپتارىن ورەسكەل بۇزىپ، ارىزدى سوتقا جولداۋدىڭ ورنىنا سوتقا دەيىنشى تەرگەۋدىڭ ءبىرىڭعاي رەەسترىنە تىركەۋ جانە تەرگەۋ ءۇشىن ناۋرىزباي اۋداندىق ىىب-گە جىبەرگەن. بۇل جەردە ارىزدانۋشى ا. ساديحوۆانىڭ ۇلى سول ۋاقىتتا سول اۋداندىق ىىب-دە جەدەل ۋاكىل بولىپ قىزمەت اتقارعانىنان-اق ءبىراز جايدى اڭعارۋعا بولادى. ارىز قابىلداۋ، قىلمىستىق ءىس جۇرگىزۋ ءتارتىبىنىڭ جەكە مۇددەلىلىك، بالكىم كەلىسىممەن بۇزىلۋىن الماتى قالاسى ناۋرىزباي اۋدانىنىڭ پروكۋرورىنىڭ ورىنباسارى ا.سابۋروۆتىڭ زاڭعا قايشى قىلىق جاساپ ناۋرىزباي اۋداندىق ءىىب انىقتاۋشىسى م. جۇماجانوۆانىڭ ءىستى قىسقارتۋ تۋرالى شىعارعان  قاۋلىسىن  بىرنەشە رەت  جويىپ،  تەرگەۋدى قايتا جالعاستىرۋدى تالاپ ەتۋىنەن دە بايقاۋعا بولادى.

بۇدان باسقا، فرەيد پايىمى بويىنشا  تۇسىنىككە جول بەرە وتىرىپ، پروكۋرور ورىنباسارى  – ا.سابۋروۆ ساديحوۆانىڭ ارىزىنا  قول  قويا وتىرىپ  ارىزدىڭ جوعارعى جاعىنا – «ارىز بەرۋشى قىزمەتكەر بولىپ تابىلادى» - دەپ  ورىنداۋشىلارعا   ارىزدانۋشىنىڭ  ارتىقشىلىعىن ءدوپ باسىپ جازىپ بەرگەن.  الايدا، ساديحوۆانىڭ ءوزى پوليسيا قىزمەتكەرى ەمەس ،  ۇلى ە. ميرزايەۆ پوليسيا قىزمەتكەرى ەكەنىن مەڭزەگەن. سونىڭ سالدارىنان تەرگەۋ 6 ايدان استام ۋاقىت جۇرگىزىلىپ، مەنىڭ كونستيتۋسيالىق قۇقىقتارىم دورەكى بۇزىلعان، بىرنەشە رەت جاۋاپ الۋعا شاقىرىلدىم، «ەشقايدا كەتپەۋ» بۇلتارتپاۋ شاراسىن قولدانىپ، ءجۇرىس-تۇرىسىما شەكتەۋ قويىادى. بۇل رەتتە  مۇنداي ارىزدار بويىنشا ءىستى قاراۋ قازاقستان زاڭناماسىنا بايلانىستى تەك  سوتتىڭ قۇزىرەتىندە بولسا دا،  اۋداندىق پروكۋراتۋرانىڭ ارالاسۋىمەن زاڭسىز تەرگەۋ امالدارى جۇرگىزىلگەن.

وسىنداي قىسىمعا قاراماستان، پروكۋرور سابۋروۆتىڭ زاڭ بۇزۋشىلىعىنان تۋىنداعان تەرگەۋ  بارىسىندا مەنىڭ قانداي دا ءبىر كىنام دالەلدەنبەگەندىكتەن انىقتاۋشى م. جۇماجانوۆا امالسىز ءىستى قايتادان قىسقارتىپ، ازاماتشا ساديحوۆاعا اتالعان  شاعىممەن جەكەشە تارتىپتە سوتقا جۇگىنۋ كەرەكتىگىن  6 ايدان سوڭ ءبىر-اق تۇسىندىردىرگەن.

ارى قاراي ازاماتشا ساديحوۆانىڭ ارىزى بويىنشا مەنى قۋدالاۋ الماتى قالاسى ناۋرىزباي اۋداندىق سوتىندا جالعاسىن تاپتى. الايدا، سوت تا اعىمداعى جىلدىڭ 25 مامىرىندا مەنى اقتاپ  ۇكىم شىعاردى.

قازىرگى ۋاقىتتا اناسى ارىز جازىپ، مەنى قۋدالاعان ە. ميرزايەۆ ىشكى ىستەر ورگاندارىنان قىزمەتتىك ءتارتىپتى قاتاڭ بۇزعانى ءۇشىن تارتىپتىك كوميسسيا شەشىمىمەن قىزمەتىنەن  قۋىلعان.

الايدا، وسى ىسكە قاتىستى الماتى قالالىق  پروكۋراتۋراسىنا  ناۋرىزباي اۋداندىق  پروكۋرورىنىڭ ورىنباسارى سابۋروۆتىڭ  جانە ناۋرىزباي ءىىب پوليسيا قىزمەتكەرلەرىنىڭ  جوعارىدا ايتىلعان  ۋاجدەر بويىنشا  نەگىزسىز قۋدالاۋىنا قاتىستى بىرنەشە رەت جازعان ارىزدارىم ءوز ناتيجەلەرىن بەرمەدى.

سونىمەن كاتار، وسى جىلدىڭ 9 تامىزىندا الماتى قالاسى پروكۋرورىنىڭ ورىنباسارى ج.باقاشبايەۆتىڭ، 9 قىركۇيەكتە ناۋرىزباي اۋدانىنىنىڭ پروكۋرورى ن.راكيشيەۆتىڭ ماعان  ىشكى ىستەر قىزمەتكەرلەرىنە قاتىستى تارتىپتىك ءوندىرىستىڭ قوزعالعانى جونىندە قاۋلى شىعارىلدى دەگەن جاۋاپتارى ءقوزبوياۋشىلىق ءۇشىن بەرىلگەن جالعان جاۋاپ بولىپ شىقتى.  اتالعان تارتىپتىك ءوندىرىس جايلى دەرەك بەرۋىن سۇراعان ساۋالىما ناۋرىزباي اۋدانىنىڭ ءىىب باسشىسىنان  ونىڭ باسقارۋىنداعى تۇلعالارعا قاتىستى ەشقانداي دا  تارتىپتىك ءوندىرىستىڭ قوزعالماعانى جونىندە جازباشا جاۋاپ الدىم. وسىلايشا زاڭدىلىقتى قاداعالاۋشى ورگاننىڭ لاۋازىمدى قىزمەتكەرى الدەبىرەۋدىڭ جەكە قىزمەتشىسىنە اينالانداي قىلىق تانىتتى.

ءوز باسىم بۇل جەردە، قىلمىستىق قۋدالاۋ ورگانىنڭ ىس-اركەتتەرىن توقتاتۋدىڭ ورنىنا ءوزى قىزمەتتىك وكىلەتتىلىگىن اسىرا  پايدالانىپ، ماعان قاتىستى زاڭسىز قۋدالاۋدى ۇيىمداستىرعان قاداعالاۋ ورگانىنىڭ قىزمەتكەرى – اۋداندىق پروكۋروردىڭ ورىنباسارى سابۋروۆتىڭ  كىناسى  دەپ ويلايمىن، ويتكەنى  ول اتالعان ساناتتاعى ىستەر جەكە ايىپتاۋ بويىنشا (ق ر قپك 32-بابى) قوزعالىپ، تەك سوتتا عانا  قارالاتىنىن بىلە تۇرا وسىنداي زاڭ بۇزۋشىلىققا اشىق بارعان.

وسىعان بايلانىستى ق ر باس پروكۋراتۋراسىنا جۇگىنۋگە ءماجبۇر بولدىم. بۇل جەردە قىلمىستىق قۋدالاۋ ورگانىنىڭ قىزمەتكەرلەرىنىڭ جانە  ناۋرىزباي اۋدانى  پروكۋرورى   ورىنباسارىنىڭ  مەنى  زاڭسىز قۋدالاۋ كەزىندە جەكە  مۇددەلىلىك تانىتقانى انىق (ول جەمقورلىق سالدارىنان تۋىنداۋى دا مۇمكىن). وسىعان  بايلانىستى سابۋروۆقا جانە باسقالارعا  قانداي جازا تاعايىندالادى  جانە ونىڭ   ءادىل  بولۋىن تەك باس پروكۋرور شەشەتىنە كۇمانىم جوق. ولاي دەيتىنىمىز بۇعان دەيىندە ج. اسانوۆ مىرزا قاراعاندى وبلىسىنىڭ قىزمەتتە جاۋاپسىزدىق تانىتقان بىرنەشە پروكۋرورىن قىزمەتتەن بوساتقان بولاتىن. سوندىقتان، اتالعان ماسەلە بويىنشا، سالماقتى دا نەگىزدى ءسوزدى تەك ق ر باس پروكۋراتۋراسى عانا ايتادى دەپ سەنەمىن.

مەيىرلان شاكەيەۆ