بۇرىنعى وزبەكستان پرەزيدەنتىنىڭ قىزى گۇلنار كاريموۆانىڭ ۇلى كىشى يسلام كاريموۆ اناسى ەكەۋىنە قاستاندىق جاسالاعانىن مويىندادى دەپ حابارلايدى Nur.kz.
"انام ەكەۋمىزدى وسىدان ەكى جىل بۇرىن ۋلاندىرماقشى بولدى. بۇل قۇرامىندا اۋىر مەتاللادار بار قوسپا. مەنىڭ اعزامنان مەتالدىڭ 6 ءتۇرى، ال انامنان ودان دا كوپ تابىلدى"، - دەپ اڭگىمەلەدى كاريموۆتىڭ نەمەرەسى BBCء-دىڭ وزبەك قىزمەتىنە.
ايتا كەتەيىك، باق-تا گۇلنار كاريموۆانىڭ ۋلانىپ قازا بولعانى جايلى اقپارات تاراپ كەتكەن بولاتىن. الايدا ونىڭ ۇلى اناسىنىڭ ءولىمىن جوققا شىعارىپ، اقپاراتتىڭ جالعان ەكەنىن مالىمدەگەن.
كىشى يسلام كاريموۆ ءوزىنىڭ لوندوندا تۇراتىنىنا قاراماستان وزبەكستانداعى اناسىمەن ۇنەمى بايلانىستا ەكەنىن جەتكىزدى.
"2014 جىلدىڭ اقپان ايىنان باستاپ مەنىڭ انام ءالى كۇنگە دەيىن ءۇيقاماقتا وتىر"، - دەپ اتاپ ءوتتى ول.
ايتا كەتەيىك، گۇلنار كاريموۆا 2014 جىلدان بەرى ءۇيقاماقتا وتىر. وعان سىرتقى الەممەن ارالاسىپ، الەۋمەتتىك جەلىلەردى پايدالانۋعا تىيىم سالىنعان.
