«پوليفونيا» ادەبيەت فەستيۆالى مەن الماتىلىق اشىق ادەبي مەكتەپ (ولشا) الماتى قالاسىنىڭ مادەنيەت باسقارماسىنىڭ قولداۋىمەن «وتانداسىڭدى وقى» جوباسىنىڭ شەڭبەرىندە سىن پىكىر جازۋ بايقاۋىن جاريالايدى.
بايقاۋ ەرەجەلەرى:
1. كىتاپتارعا قازاق، ورىس تىلدەرىندە جازىلعان سىن پىكىرلەر جانە رەسەنزيالار قابىلدانادى (كولەمى: 300 – 1000 ءسوز).
2. سىن پىكىر قازاقستاندىق اۆتوردىڭ كىتابىنا نەمەسە شىعارماسىنا (كوركەم ادەبيەتكە: پروزا، پوەزيا، دراماتۋرگياعا نەمەسە دەرەكتى ادەبيەتكە) جازىلۋى قاجەت.
3. زاماناۋي، ياعني 1991 – 2016 جىلدارىندا جازىلعان ادەبيەتكە ارتىقشىلىق بەرىلەدى. Bookmate ەلەكتروندى كىتاپحاناسىنداعى «وتانداسىڭدى وقى» سورەسىنىڭ كىتاپتارىن مىسال رەتىندە قاراستىرۋعا بولادى. ەگەر سىزدەر قازاق ادەبيەتى كلاسسيكتەرىنىڭ شىعارمالارىنا نەمەسە كەڭەس داۋىرىندەگى ادەبيەتكە جاڭاشا كوزقاراسپەن جازۋدى قالاساڭىزدار، شەكتەۋ قويىلمايدى.
جاريالانۋ ەرەجەلەرى:
1. بايقاۋعا رەسەنزيالاردى litfest.kz@gmail.com ەلەكتروندى پوشتاسىنا 2016 جىلدىڭ 25 قاراشاسىنا دەيىن جولداۋىڭىز قاجەت. ىلەسپە حاتىندا رەسەنزيا اۆتورىنىڭ ءاتى-جونى جانە تەلەفون ءنومىرى، تالدانعان كىتاپتىڭ اتاۋى مەن اۆتورى كورسەتىلگەن بولۋ كەرەك.
2. سونىمەن قاتار رەسەنزيالاردى Facebook الەۋمەتتىك جەلىسىندە جاريالاۋعا بولادى. ول ءۇشىن «پوليفونيا» فەستيۆالى پاراقشاسىنان نەمەسە الماتىلىق اشىق ادەبي مەكتەپتىڭ پاراقشاسىنان (ولشا) بايقاۋ تۋرالى حابارلاندىرۋعا رەپوست جاساۋلارىڭىز كەرەك. جانە وسى رەپوستقا كوممەنتاريي رەتىندە سىن پىكىرىڭىزدىڭ نەمەسە رەسەنزياڭىزدىڭ ءماتىنىن قوسۋلارىڭىز كەرەك. رەسەنزيا باسىندا نەمەسە سوڭىندا #وتانداسىڭدىوقى حەشتەگى بولۋ كەرەك. حابارلاماڭىزعا بارلىعى قول جەتكىزە الاتىن " باپتاۋىمەن جاريالانعان بولۋ كەرەك.
3. ەلەكتروندى پوشتاعا جىبەرىلگەن رەسەنزيالار دا Facebook جەلىسىندەگى پوليفونيا ادەبيەت فەستيۆالىنىڭ پاراقشاسىندا #وتانداسىڭدىوقى حەشتەگىمەن جاريالانادى.
باعالاۋ جانە ناتيجەلەر
1. بايقاۋعا رەسەنزيالار 2016 جىلدىڭ 25 قاراشاسىنا دەيىن قابىلدانادى.
2. بايقاۋ ناتيجەلەرى 2016 جىلدىڭ 2 جەلتوقسانىندا جاريالانادى.
3. بايقاۋدىڭ اقتىق سىنىنا شىققانداردىڭ بارلىعى Bookmate (www.bookmate.com) ەلەكتروندى كىتاپحاناسىنا جىلدىق تەگىن جازىلىم الا الادى جانە الماتىدا 2016 جىلدىڭ جەلتوقسان ايىندا وتەتىن ادەبي سىن سەمينارلارىنا شاقىرىلادى (وكىنىشكە وراي، جوبانىڭ ۇيىمداستىرۋشىلارى باسقا قالالاردا تۇراتىن قاتىسۋشىلارعا جول شىعىندارىن مەن الماتىدا جاتىن ورىندارعا بايلانىستى شىعىنداردى تولەي المايدى، ءبىراق ءوز قاراجاتىمەن كەلگەن قاتىسۋشىلاردى قىزىقتى سەمينار جانە ۇيىمداستىرۋشىلاردىڭ قوناقجايلىلىعى كۇتەتىن بولادى). بايقاۋدىڭ ەكى باس جۇلدە يەگەرىنە – Samsung پلانشەتتەرى.
قازىلار القاسىنىڭ قۇرامىنا قازاقستاندىق، شەتەلدىك ادەبيەت سىنشىلارى كىرەدى.
* رەسەنزيا – بەلگىلى ءبىر تۋىندى، قويىلىم، فيلم تۋرالى ايتىلعان پىكىر
