اعىمداعى جىلدىڭ 23 تامىزىندا مەملەكەت باسشىسىنىڭ پولشاعا رەسمي ساپارىنىڭ بارىسىندا ەكونوميكالىق ءوزارا بايلانىستى ارتتىرۋ ءۇشىن قازاقستان مەن پولشا اراسىندا سەنىمدى كولىك جولدارىن قامتاماسىز ەتۋ ماڭىزدىلىعى اتاپ ءوتىلدى.

2016 جىلعى 15-16 قىركۇيەك اراسىندا الماتىدا بۇرىن قول جەتكىزگەن ۋاعدالاستىقتاردى ورىنداۋ ءۇشىن 1997 جىلعى 23 مامىرداعى قازاقستان رەسپۋبليكاسى مەن پولشا رەسپۋبليكاسى اراسىنداعى حالىقارالىق اۆتوموبيل تاسىمالدارى تۋرالى ۇكىمەتارالىق كەلىسىمنىڭ شەڭبەرىندە حالىقارالىق اۆتوموبيل تاسىمالدارى جونىندەگى قازاقستان-پولشا ارالاس كوميسسياسىنىڭ كەزەكتى وتىرىسى وتكىزىلدى.

تاراپتار قازاقستان مەن پولشا اراسىنداعى جۇك تاسىمالى كولەمى تۋرالى اقپاراتپەن الماسىپ، ەكى ەل اراسىنداعى تاسىمالدار كولەمى ديناميكاسىنىڭ جاقسارعانىن اتاپ ءوتتى.

2015 جىلى قازاقستان مەن پولشا اراسىنداعى اۆتوموبيل كولىگىمەن جۇك تاسىمالداۋ كولەمى 4% ۇلعايىپ، 165 مىڭ توننانى قۇرادى. اۆتوموبيل كولىگىمەن تاسىمالداناتىن نەگىزگى جۇكتەر وسىمدىكتەن وندىرىلەتىن ازىق-تۇلىكتەر، دايىن تاماق ونىمدەرى، ءداندى جانە ۇن-جارما ونىمدەرى، مەحانيزمدەر مەن جابدىقتار، سونداي-اق مال ونىمدەرى. 

2016 جىلدىڭ ءبىرىنشى جارتىسىندا ەكىجاقتى تاسىمال كولەمى شامامەن 100 مىڭ توننانى قۇرادى.

2016 جىلدىڭ ءبىرىنشى جارتىسىندا 2015 جىلدىڭ سايكەس مەرزىمىمەن سالىستىرعاندا وتاندىق تاسىمالداۋشىلارمەن ورىندالاتىن رەيستەر سانى 43 % ۇلعايدى.

كەلىسسوزدەر قورىتىندىسى بويىنشا 2016 جىلعا جۇك تاسىمالدارى ءۇشىن قوسىمشا رۇقسات بلانكىلەرىمەن الماسۋ كۆوتاسى بەلگىلەندى.

وتىرىس قورىتىندىسى بويىنشا حاتتاماعا قول قويىلدى.