«باتىس ەۋروپا – باتىس جۇڭگو» جوباسى بويىنشا اتقارىلىپ جاتقان جۇمىستىڭ باسىنان باستاپ 2 028 شاقىرىمى اياقتالدى. بۇل تۋرالى ق ر ينۆەستيسيالار جانە دامۋ ءمينيسترى جەڭىس قاسىمبەك «نۇرلى جول» باعدارلاماسىنىڭ ورىندالۋ بارىسىنا ارنالعان ۇكىمەت وتىرىسىندا ايتتى.

شىمكەنت قالاسىنان رەسەي شەكاراسىنا دەيىنگى (ورىنبورعا) جانە تاراز-الماتى ۋچاسكەلەرىندەگى جول پايدالانۋعا بەرىلدى.

الماتى – قورعاس (304 كم) باعىتىنداعى جۇمىستار جالعاسىپ جاتىر، سونداي-اق شىمكەنت – تاشكەنت (100 كم) جانە شىمكەنت قالاسى مەن جامبىل وبلىسى ارالىعىنداعى (81 كم) ۋچاسكەلەردە جوندەۋ جۇمىستارى جالعاسۋدا، جىل سوڭىنا دەيىن بۇل ارالىقتاعى جوندەۋ جۇمىستارى اياقتالادى.

 «ورتالىق-وڭتۇستىك» جوباسى بويىنشا (استانا-الماتى)

وسى باعىت بويىنشا 2013 جىلدان باستاپ استانا-تەمىرتاۋ (171 كم) جانە الماتى-قاپشاعاي (104 كم) ۋچاسكەلەرىندە جوندەۋ جۇمىستارى باستالدى. بۇگىنگى كۇنى استانا-تەمىرتاۋ ۋچاسكەسىنىڭ 12 شاقىرىمى جانە الماتى-قاپشاعاي ۋچاسكەسىنىڭ 72 شاقىرىمى پايدالانۋعا بەرىلدى.

«ورتالىق-شىعىس» جوباسى بويىنشا (استانا-وسكەمەن)

اتالعان باعىتتاعى جۇمىستار 2013 جىلدان بەرى استانا-پاۆلودار (441 كم) جانە پاۆلودار-سەمەي-قالباتاۋ (473 كم) ۋچاسكەسىندە  جۇرگىزىلۋدە.  بۇگىنگە كۇنگە دەيىن 218 شاقىرىمى  پايدالانۋعا بەرىلدى. ونىڭ 47 شاقىرىمى - استانا-پاۆلودار، 171 شاقىرىمى - پاۆلودار-سەمەي-قالباتاۋ ۋچاسكەسى. بيىل جىل سوڭىنا دەيىن استانا-پاۆلودار ۋچاسكەسى بويىنشا 220 شاقىرىمنىڭ ءبىر باعىتى اشىلادى جانە ەرتىس وزەنىنىڭ ۇستىنەن سالىنىپ جاتقان (12 كم) كوپىر قۇرىلىسى اياقتالادى دەپ جوسپارلانىپ وتىر.

«ورتالىق-باتىس») جوباسى بويىنشا (استانا-اقتوبە-اتىراۋ-اقتاۋ

اتالعان باعىت بويىنشا قاشىقتىعى 470 كم - بەينەۋ-اقتاۋ ۋچاسكەسىندە قۇرىلىس جۇمىستارى ءجۇرىپ جاتىر.  2014 جىلى 200 شاقىرىمىندا قوزعالىس اشىلدى. سونىمەن بىرگە اقتوبە-اتىراۋ ۋچاسكەسىنىڭ 26 شاقىرىمىندا قۇرىلىس جۇمىستارى ءجۇرىپ جاتىر.