كۋبادا فيدەل كاسترونىڭ اتىن قوعامدىق ورىنداردا قولدانۋعا تىيىم سالدى. كۋبيندىق پارلامەنت زاڭعا سايكەس ءبىر اۋىزدان بۇل شەشىمدى قابىلدادى. زاڭدا كوشەلەردى، الاڭداردى جانە عيماراتتاردى كاسترونىڭ ەسىمىمەن اتاۋعا تىيىم سالدى. سونداي-اق، وعان ەسكەرتكىش ورناتۋعا، ونىڭ بەينەسىن جارنامادا جانە كوممەرسيالىق ماقساتتا قولدانۋعا رۇقسات ەتىلمەيدى.
مەملەكەتتىڭ قازىرگى باسشىسى راۋل كاسترو ونىڭ اعاسى جەكە باسقا تابىنۋدى قالاماعاندىقتان وسىنداي زاڭدى قابىلداعانىن ايتادى. فيدەل كاسترو ءتىرى كەزىندە ونىڭ قۇرمەتىنە ەسكەرتكىش ورناتىپ، كوشەلەردى اتاۋعا جول بەرمەگەنىن تىلگە تيەك ەتتى.
فيدەل كاسترو وسى جىلدىڭ 26 قاراشاسىندا گاۆاندا 90 جاسىندا قايتىس بولدى. كاسترو 1959 جىلى كۋبيندىق ريەۆوليۋسيانى باسقاردى. بيلىكتى باسىپ العان سوڭ، ەلدى 47 جىل بويى بيلەدى. 2006 جىلى شىلدەدە اۋىر حالدە بولعاندىقتان، مەملەكەت باسشىلىعىن اعاسى راۋلگە تاپسىردى. العاشىندا ۋاقىتشا، كەيىننەن 2008 جىلى ءبىرجولا بيلىكتى قولىنا الدى. 4 جەلتوقسان كۇنى ونى سانتياگو-دە-كۋبا قالاسىنىڭ زيراتىندا جەرلەدى.
