الماتى تۇرعىنى ساۋلە ۆولكوۆانى قىزىنىڭ سىنىپتاستارىنىڭ اتا-انالارى مەكتەپ جينالىسىندا تۇسىرىلگەن ۆيدەونى Youtube حوستينگىنە جۇكتەگەنى ءۇشىن سوتقا بەردى، - دەپ حابارلايدى Tengrinews.kz ءتىلشىسى.

ساۋلە ۆولكوۆانىڭ ۇستىنەن التى اتا-انا سوتقا شاعىمدانعان. ولار ودان 1 ميلليون 300 مىڭ تەڭگە سوماسىندا قاراجاتتى مورالدىق شىعىن رەتىندە ءوندىرىپ الماقشى ەكەن. ءوز ارىزىندا ولار ۆولكوۆا "ابىرويى مەن نامىسىن قورلايتىن مالىمەتى بار ۆيدەونى Youtube جەلىسىنە جۇكتەگەن" دەپ جازعان، سونىمەن قاتار، WhatsApp مەسسەندجەرىندەگى حات الماسۋ كەزىندە №68 مەكتەبىنىڭ 2 "ب" سىنىپ وقۋشىلارىنىڭ اتى-جوندەرى كورسەتىلگەن ءتىزىم جاريالانعان دەلىنەدى. ال بالالاردىڭ ءاتى-جونىن جازۋعا اتا-انالار ۆولكوۆاعا رۇقسات بەرمەگەنبىز دەيدى.

"ناتيجەسىندە شاعىمدانۋشىلار قۇسا بولعانىن، بالالاردىڭ ومىرىنە قاۋىپتەنگەن ەدى، جاۋاپكەردىڭ ءوز ماقساتتارى ءۇشىن بالالاردىڭ اتى-جوندەرىن قولدانۋىنا اشۋلانادى. بالالار دا ۇيالىپ، جاعىمسىز كۇيگە ءتۇسىپ، مەكتەپكە بارعىسى كەلمەيدى"، - دەلىنگەن ارىزدا.

ارىزدانۋشىلاردىڭ مۇددەسىن قورعايتىن ادۆوكات جاعدايعا قاتىستى پىكىر بىلدىرۋدەن باس تارتتى. 

"ينتەرنەتتە مالىمەت ونسىز دا كوپ. جەتەر. پىكىر ايتپايمىن. ءقازىر ايتىلىپ جاتقاننىڭ ءوزى جەتكىلىكتى. مۇنداي مالىمەتتەردى تاراتۋدىڭ قاجەتى جوق. توقتاتىڭىزدار!"، - دەدى Tengrinews.kz تىلشىسىنە ارىزدانۋشىلاردىڭ ادۆوكاتى اسەل ماحمەتوۆا.

ارىز تۇسىرگەندەردىڭ ءبىرى، كيرا بويكونىڭ اناسى وكسانا بويكو دا كوپ سويلەمەدى. 

"ول ارىز بەن شاعىمدارىن ءبىلىم مينيسترلىگىنە 6-8 رەت جىبەرىپ ۇلگەردى، شارا قولدانۋىن سۇراپ جاتىر. مەنىڭ قىزىما بوتەن ءبىر كىسىلەر كەلىپ، "مىناۋ سەنىڭ تەلەفونىڭ با؟" دەپ سۇراپ ءجۇر ەكەن. بۇل جاعداي شىنىمەن بولعان. مىنە، وسىنداي مالىمەتتەر"، - دەيدى وكسانا بويكو.

ساۋلە ۆولكوۆانىڭ ءوزى سوتقا كەلمەدى. ونىڭ وكىلدەرى ۆيدەونى ناقتى كىمنىڭ ينتەرنەتكە جاريالاعانى دالەلدەنبەگەنىن ايتىپ وتىر. ال شاعىمدانۋشىلار ۆولكوۆانىڭ ءوزى وسى ارەكەتتى جاساعانىن مويىندايتىنىن، مۇنى دالەلدەي الاتىن كۋاگەرلەردىڭ بار ەكەنىن ايتىپ وتىر.

ساۋلە ۆولكوۆانىڭ ۇستىنەن تاعى ءبىر ارىزدى باسقا سىنىپتىڭ وقۋشىسى ەۆگەنيي ءحاليننىڭ اكەسى بەرىپتى. ول ۆولكوۆا تۇسىرگەن ۆيدەودا ءوز بالاسىنىڭ بار ەكەنىنە نارازى.

"سالدارىنان مەن ازاپ شەكتىم: بالام ءۇشىن قورىقتىم، تىتىركەندىم، اشۋلاندىم، جاعىمسىز اسەر الدىم"، - دەپ جازعان حالين ارىزىندا.

ەر ادام ۆولكوۆادان مورالدىق شىعىن رەتىندە 100 مىڭ تەڭگە وندىرگىسى كەلىپ، جازبانى ينتەرنەتتەن ءوشىرۋىن تالاپ ەتىپ وتىر.

"ۆيدەودا بالانىڭ بەتىن كورسەتپەي، كولەگەيلەگەن. بالا ۆيدەودا ەكى سەكۋندقا عانا پايدا بولادى، بەتى كورسەتىلمەگەن، ۆيدەونىڭ ەكىنشى جارتىسىندا ول باسىن تومەن سالىپ، كەتىپ بارا جاتادى، ونىڭ كىم ەكەنىن انىقتاۋ مۇمكىن ەمەس. روليك اۆتورى ۆيدەوداعى ادامداردىڭ بارلىعىنىڭ بەتىن كورسەتپەي جاساعان. ءبىزدىڭ ويىمىزشا، زاڭنىڭ بارلىق تالابى ورىندالعان"، - دەيدى جاۋاپكەردىڭ ادۆوكاتى جاننا ورازباحوۆا.

ونىڭ ايتۋىنشا، سوتتا ۆيدەونى Youtube-قا كىمنىڭ سالعانى ءالى انىقتالماعان. 

"ساۋلە ۆولكوۆا ۆيدەونىڭ اۆتورى ەكەنىن مويىنداپ وتىر، سەبەبى ول ونى ءوز ۇيالى تەلەفونىنا تۇسىرگەن. داۋسى دا ەستىلەدى. ول وسى جيىنعا قاتىسقان"، - دەدى جاۋاكەردىڭ وكىلى سالتانات ءدىلمانوۆا.

سوت ساراپتاما تاعايىندادى، ونىڭ قورىتىندىسىندا ءحاليننىڭ بالاسى ۆيدەودا بار ما، جوق پا - انىقتالادى.

ساۋلە ۆولكوۆا №68 گيمنازياسىندا جەمقورلىق بار دەپ مالىمدەگەن. Youtube حوستينگىندە اتا-انالار مەن الماتى قالالىق ءبىلىم باسقارماسىنىڭ وكىلدەرى بار ءتۇرلى ۆيدەولار جاريالاندى. وسى وقيعادان كەيىن گيمنازيادا فوتو مەن ۆيدەو تۇسىرۋگە تىيىم سالىناتىنى جايلى ەسكەرتۋ تاقتايشاسى پايدا بولدى. ۆولكوۆانىڭ ارىز-شاعىمدارىنان كەيىن ءبىلىم بەرۋ مەكەمەسىنىڭ ديرەكتورى قىزمەتىنەن كەتكەن ەدى، ال سىنىپ جەتەكشىسى تارتىپتىك جازاعا تارتىلعان.