«بوكو حارامنان» قاشىپ كەتكەن ءجاسوسپىرىم: بىزگە قىزداردى زورلاۋدى ۇيرەتەتىن.

نيگەرياداعى «بوكو حارام» اتتى ەكسترەميستىك توپ ءجاسوسپىرىم بالالاردى ۇرلاپ قانا قويماي، سول جەردەگى بالالارعا قىزدار مەن ايەلدەردى زورلاۋدى ۇيرەتەدى ەكەن.  بۇل جايىندا شەت ەلدىك تىلشىلەرگە سول توپتان قاشىپ شىققان 15 جاستاعى احمەد اتتى بالا ايتىپ بەرگەن دەپ حابارلايدى newsru.com، اقپاراتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى. 

بىرنەشە اي بۇرىن ءوزىنىڭ تۋعان قالاسى باگادا جۇرگەنىندە «بوكو حارام» توبىنىڭ ادامدارى بالانى ۇرلاپ كەتىپ، سامبيس ورمانىنداعى ەكسترەميستىك توپتىڭ لاگەرىنە جەتكىزىلگەن.  سول جاقتا بالانى جاۋىنگەر ەتىپ تاربيەلەي باستاعان. ەكى اي وتكەننەن سوڭ ءوزى سەكىلدى جاڭادان قوسىلعان بىرنەشە بالالارمەن بىرگە گۆوز قالاسىنا ارنايى تاپسىرما بەرىپ جىبەرگەن،  «ايەلدەر مەن بالالاردى كەپىلدىكەە ۇستاپ الىپ كەلىڭدەر، مۇمكىندىگىنشە كوپ ادامدار ۇستاڭدار»، - دەپ بۇيرىق بەرگەن.

احمەدتىڭ ايتۋىنشا، باستىعىنىڭ نە نارسەنى مەڭزەپ تۇرعانىن تۇسىندەگەن.  كەيىننەن وزدەرى سياقتى جاسوسپىرىمدەردىڭ  تاپسىرمامەن كەتىپ، كەپىلدىككە الىپ كەلگەن قىزداردى كومانديرلەرىنىڭ قالاي زورلاپ جاتقانىن كورۋگە ءماجبۇر بولعاندىعى انىقتالدى.

«قىزدار ايقايلاپ، كومەككە شاقىرىپ جاتتى، ءبىراق جاۋىنگەرلەر ولارعا كوڭىل اۋدارمادى»، - دەيدى احمەد. كەيدە كەپىلدە ۇستاپ وتىرعاندارعا قارۋ كەزەپ تە قورقىتقان ەكەن.  ولاردىڭ كومانديرلەرى: «قىزدار جاس بالالارعا ەمەس، ۇلكەن ەركەكتەرگە ارنالعان» دەپ ايتادى ەكەن. الايدا، ءبىر سوعىستا كوپ جاۋىنگەرلەر قازا تاپقاننان سوڭ «بوكو حارامنىڭ»  جاڭا ميسسيالاردى ورىنداۋعا جاسوسپىرىمدەردى جىبەرۋدەن باسقا امالدارى قالماعان، ال قىز بالالاردى موتيۆاسيا بەرۋ ءۇشىن پايدالانعان.

احمەدتىڭ ايتۋىنشا، وزىمەن قاتار بىرنەشە بالالار مۇنداي ايلاعا الدانىپ قالعان. الايدا، احمەدتىڭ ءوزى مۇنداي ىسكە قىزىقپاپتى. سول سەبەپتى دە، گۆوز قالاسىنا ارنايى تاپسىرمامەن جىبەرىلگەن جەندەتتەر تاپسىرمانى ورىنداپ قايتىپ كەلە جاتقان كەزىندە احمەد ورايىن تاۋىپ قاشىپ كەتكەن. ءبىر ۋاقىتتا  كەپىلدىككە ۇستاپ وتىرعان قىزداردىڭ ءبىر توبى جۇك كودىگىنەن سەكىرىپ ءتۇسىپ، ورمانعا قاراي قاشا جونەلگەن. احمەد سول قىزداردىڭ ىزىنە تۇسكەن سىڭاي تانىتىپ، «بوكو حارامنان» قاشىپ قۇتىلعان.

احمەدتەن بولەك  «بوكو حارامنىڭ» لاگەرىندە جاۋىنگەرلەر قاتارىندا كامەلەت جاسقا تولماعاندار دا كوپ. ەكى قىز وزدەرىن كەپىلدىككە ۇستاپ الىپ قاشىپ كەتكەننەن سوڭ، ولاردى كىشكەنتاي بالالاردىڭ زورلاعانى جايلى تىلشىلەرگە مالىمدەگەن. بىرەۋى 13 جاس شاماسىندا ەكەن. ال قىزدىڭ جاسى 16-دا بولعان، بالادان وڭاي قۇتىلامىن دەپ ويلاعان قىز ءجاسوسپىرىمنىڭ قولىندا تاپانشاسى بولعاندىقتان قاشىپ كەتە الماپتى. 

اۋدارعان: نازەركە لابيحان