قايرات ءابدىراحمانوۆ ق ر سىرتقى ىستەر ءمينيسترى بولىپ تاعايىندالدى، - دەپ جاريالادى اقوردانىڭ باسپا ءسوز قىزمەتى.
"قايرات قۇدايبەرگەن ۇلى ءابدىراحمانوۆ قازاقستان رەسپۋبليكاسىنىڭ سىرتقى ىستەر ءمينيسترى بولىپ تاعايىندالسىن، ول قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى قىزمەتىنەن بوساتىلسىن"، - دەلىنگەن اقوردانىڭ سايتىندا.
سونداي-اق، اقوردانىڭ سايتىندا مەملەكەت باسشىسىنىڭ جارلىقتارىمەن ەرلان ىدىرىسوۆتىڭ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ سىرتقى ىستەر ءمينيسترى قىزمەتىنەن، قۋاندىق بيشىمبايەۆتىڭ قازاقستان رەسپۋبليكاسىنىڭ ۇلتتىق ەكونوميكا ءمينيسترى قىزمەتىنەن، بوساتىلعانى حابارلاندى.
